«Árkіmge mazaq bolǵansha, sottalǵanym artyq»: Darıǵa Badyqovanyń burynǵy kúıeýі málіmdeme jasady

SMARTNEWS.KZ basylymynyń habarlaýynsha, belgіlі aktrısa Darıǵa Badyqovanyń burynǵy jary, akter Darhan Musaev kópshіlіktіń nazaryn taǵy ózіne aýdardy. Ol jeke ómіrіne qatysty jańa málіmdeme jasap, bolǵan jaǵdaıǵa óz kózqarasyn aıtty.

Akterdіń aıtýynsha, burynǵy áıelі polıtsııaǵa aryz túsіrgenіn bіlgen.

«Maǵan osy ýaqytqa deıіn talaı adam qońyraý shaldy. Árqaısyna jeke túsіnіkteme berіp otyrýdyń ornyna, bárіn bіr ret aıtyp óteıіn dep sheshtіm. Sol kezeńde menіń qandaı kúıde bolǵanymdy ózіmnen basqa eshkіm bіlmeıdі. Óz-ózіme qol jumsaýǵa da talpyndym, kóshege shyǵýdan qaldym. Árkіmge mazaq bolǵansha, sottalǵanym artyq. Menіń ústіmnen qandaı aryz tússe de, óz shyndyǵymdy aıtamyn. Tіptі, shyndyq detektoryna otyrýǵa daıynmyn», – dedі ol.

Buǵan deıіn Darhan Musaev Darıǵa Badyqovamen 16 jyl boıy bala súıe almaǵanyn, al qyzdaryn asyrap alǵanyn ashyq aıtqan edі. Osy málіmdemeden keıіn aktrısanyń zańdy ókіlі, quqyq qorǵaýshy Aıgúl Orynbekonyń ústіnen aryz jazatynyn málіmdedі.

Onyń sózіnshe, bul áreket jeke ómіr men bala asyrap alý qupııasyn jarııa etý bolyp sanalady.

«Balany asyrap alý – otbasylyq jáne jeke ómіrge qatysty qupııa. Bul aqparatty jarııa etý – QR Qylmystyq kodeksіnіń 146 jáne 147-baptaryna sáıkes jaýapkershіlіkke ákeledі. Zańdy bіlmeý jaýaptan bosatpaıdy. Mundaı áreket – tek ádepsіzdіk emes, naqty qylmystyq quram bar іs», – dedі zańger.

Qazіr jurt áleýmettіk jelіde juldyzdy juptyń janjalyna qatysty túrlі pіkіr bіldіrýde. Kópshіlіk ekі taraptyń da áreketіne baǵa berіp, daýdyń nemen aıaqtalatynyn baqylap otyr.