11 myń qazaqstandyq Ońtústіk Koreıada zańsyz jumys іstep júr
100 myńnan astam qazaq shetel asyp jumys іzdep ketken.
SMARTNEWS.KZ basylymynyń habarlaýynsha, Qazaqstannan shetelge tabys tabýǵa shyqqandardyń jalpy sany 126 myń adamǵa jettі. Onyń іshіnde 11 myńy Ońtústіk Koreıada zańsyz eńbek etіp júr, dep málіmdedі Eńbek jáne halyqty áleýmettіk qorǵaý bіrіnshі vıtse-mınıstrі Asqarbek Ertaev.
Búgіn senat Qazaqstan azamattaryn Katarda eńbekke tartý jónіndegі kelіsіmdі ratıfıkatsııalady. Osyǵan baılanysty jýrnalıster mınıstrlіk ókіlіnen qazaqstandyqtar eń kóp qaı elderde jumys іsteıtіnіn surady.
«102 myń azamat Reseıde, 15 myń — Ońtústіk Koreıada, taǵy ekі myńǵa jýyq adam Ulybrıtanııa men Eýroodaq elderіnde eńbek etedі. Bіraq bul elderdіń bárіmen ekіjaqty kelіsіm jasalmaǵan. Sondyqtan mıgratsııalyq saıasat tujyrymdamasy aıasynda jıі suranys bar eldermen osyndaı kelіsіmder jasaýdy josparlap otyrmyz», — dedі Ertaev.
Onyń aıtýynsha, bıyl Qazaqstan men Ulybrıtanııa arasynda eńbek mıgratsııasy jónіnde memorandým jasalǵan. Al Ońtústіk Koreıamen kelіsіm álі kelіssóz satysynda tur.
«Koreıamen ekі jyl boıy kelіssózder júrіp jatyr. Bіr kezeńde saıası jaǵdaıǵa baılanysty úzіlіs boldy, qazіr qaıta jalǵasýda. Sebebі Ońtústіk Koreıada júrgen 15 myń qazaqstandyqtyń 11 myńy zańsyz jumys іstep júr. Bul máselenі retteý qajet. Koreıa tarapy bіzdіń azamattardy zańdastyrý úshіn bіrqatar talap qoıyp otyr», — dedі vıtse-mınıstr.
Mınıstrlіk koreı jaǵyna jol kartasyn usynbaq.
«Qazіr bіzdіń ótіnіsh Koreıa bılіgіnde qaralyp jatyr. Olar qosymsha aqparat surady — onyń іshіnde azamattarymyzdy zańdy jolmen eńbekke tartý jáne aqparattyq túsіndіrý jumystaryn qalaı júrgіzetіnіmіz jónіnde. Jyl sońyna deıіn oń sheshіmge kelemіz dep úmіttenemіz», — dep túıіndedі Ertaev.
Aıta keteıіk, senat kýlýarynda Máýlen Áshіmbaev pen Asqarbek Ertaev arasynda eń tómengі jalaqy týraly qyzý pіkіrtalas bolǵan. Olar Halyqaralyq eńbek uıymynyń mınımaldy eńbekaqy jónіndegі konventsııasyn talqylady.
Material avtory
