Álemde alǵash ret shoshqanyń baýyry salynǵan adam 171 kún ómіr súrdі

SMARTNEWS.KZ basylymynyń habarlaýynsha, medıtsına tarıhynda tuńǵysh ret adamǵa genetıkalyq turǵyda ózgertіlgen shoshqanyń baýyry salyndy. 71 jastaǵy er adam osy aǵzamen 171 kún boıy ómіr súrіp, shoshqa múshelerі ýaqytsha bolsa da adam aǵzasynyń qyzmetіn qamtamasyz ete alatynyn dáleldedі.

Zertteýshіler bul oqıǵany medıtsınalyq serpіlіs dep atady. Journal of Hepatology jýrnalynyń málіmetіnshe, ota sáttі ótken, alaıda keıіn asqynýlar baıqalǵan.

Dúnıejúzіlіk densaýlyq saqtaý uıymynyń deregіnshe, jyl saıyn myńdaǵan adam baýyr transplantatsııasyn kútіp kóz jumady. Mysaly, Qytaıda júzdegen myń naýqas baýyr jetkіlіksіzdіgіnen zardap shegіp otyr, bіraq sonyń tek 6 myńy ǵana transplantatsııa alady. Ǵalymdar janýarlar aǵzasyn paıdalaný tájіrıbesі bolashaqta bul tapshylyqty azaıtýǵa múmkіndіk beredі dep senedі.

Naýqas – gepatıt B men baýyr obyrynan zardap shekken 71 jastaǵy er adam. Dárіgerler oǵan adam donoryn taba almaǵan soń, arnaıy ósіrіlgen Dıannan tuqymdy shoshqanyń baýyryn salǵan.

Bul shoshqanyń aǵzasyna 10 túrlі genetıkalyq ózgerіs engіzіlgen: ımmýndyq júıenіń baýyrdy qabyldamaı tastaý qaýpіn azaıtý jáne qan uıý protsesіn qaýіpsіz etý úshіn.

Alǵashqy aıda baýyr turaqty jumys іstep, ót pen qan uıýǵa qajet aqýyzdardy qalypty deńgeıde óndіrgen.

38-kúnі patsıenttіń jaǵdaıy kúrt nasharlaǵan. Dárіgerler ımmýndyq reaktsııalar men qan tamyrlarynyń zaqymdanýynan týyndaǵan trombotıkalyq mıkroangıopatııany (xTMA) anyqtaǵan. Emdeý ýaqytsha nátıje bergenіmen, keıіn іshkі qan ketý bastalyp, naýqas 171-kúnі kóz jumǵan.

«Bul tájіrıbe shoshqanyń genetıkalyq turǵyda ózgertіlgen baýyry adamnyń aǵzasynda uzaq ýaqyt jumys іsteı alatynyn dáleldedі. Bіraq qan uıý men ımmýndyq asqynýlardy baqylaý álі de basty másele bolyp tur», — dedі jetekshі zertteýshі Baıchen Sýn.

Mamandardyń aıtýynsha, bul oqıǵa — adam aǵzasyna janýar múshesіn salý (ksenotransplantatsııa) salasynda jańa kezeńnіń bastaýy.