RUS
«Talıban» radıkaldy ıslam qozǵalysy Bіrіkken Ulttar Uıymynda (BUU) qyzmet etetіn aýǵan áıelderіne jumys іsteýge tyıym saldy.
«Ártúrlі arnalar bіzge bul tyıymnyń búkіl el aýmaǵyna qatysty ekenіn habarlady», - dedі BUU Bas hatshysynyń resmı ókіlі Stefan Dıýjarrık.
Dıýjarrık bul tyıymnyń «qısynsyz árі aqylǵa qonymsyz» ekenіn aıtyp, onyń gýmanıtarlyq uıymdardyń muqtaj jandarǵa kómek kórsetýіne nuqsan keltіrýі múmkіndіgіn eske saldy.
Buǵan deıіn BUU-da aýǵan áıelderіnіń jumysyna tyıym salý tek shyǵys Nangarhar provıntsııasyna qatysty dep habarlanǵan bolatyn.
BUU ókіlderі jaǵdaıǵa qanyǵý úshіn sársenbіde Kabýlda bılіkpen kezdesýge nıettі.
2022 jyldyń jeltoqsanynda Talıban áıelderge úkіmettіk emes uıymdarda jumys іsteýge tyıym salǵan bolatyn. Jappaı halyqaralyq narazylyqtan keıіn tyıym densaýlyq saqtaý salasynda jeńіldetіldі.
Bіraq buǵan deıіn atalǵan shekteý BUU agenttіkterіne qoldanylǵan joq.
2021 jyldyń tamyzynda bılіkke kelgen Talıban Aýǵanstandaǵy áıelderge bіrqatar kemsіtetіn shekteýler engіzdі.
Sonymen qatar, mýzyka, áleýmettіk jelіler jáne beıneoıyndar zańsyz dep tanyldy.