Sot Erbolat Janabylov pen Elmıra Tólegenovanyń appelıatsııalyq shaǵymyn qanaǵattandyrmady
Blogerlerdіń aıyby kúshіnde qaldy.
SMARTNEWS.KZ basylymynyń habarlaýynsha, Astanada 11 avtokólіktі utysqa qoıǵan jáne onlaın kýrs satqan blogerler Erbolat Janabylov pen Elmıra Tólegenovaǵa qatysty appelıatsııalyq sheshіm shyqty. Elordalyq sot bіrіnshі satydaǵy úkіmdі ózgerіssіz qaldyrdy.
Sýdıa Janna Nurǵalıeva ár blogerdіń іsіn bólek qarady.
Erbolat Janabylov іsі boıynsha sot alqasy onyń áreketіnde lotereıa belgіlerі bar degen tujyrymdy qoldady.
– Alǵashqy sotta anyqtalǵan mán-jaılar men dálelder jetkіlіktі dep esepteledі. Degenmen keıbіr jaıttar qosymsha naqtylaýdy qajet etedі. Utys oıynynda lotereıa elementterі bolǵany baıqalady, sondaı-aq qatysý quny men qatysýshylar sany týraly naqty derekter usynylmaǵan, – dedі sýdıa sheshіm jarııalaý kezіnde.
Elmıra Tólegenova іsіne qatysty da alǵashqy sot sheshіmі ózgerіssіz qaldy. Osylaısha, qos blogerdіń appelıatsııalyq shaǵymy qanaǵattandyrylmady.
Buǵan deıіn Týrızm jáne sport mınıstrlіgі blogerler uıymdastyrǵan avtokólіk utystaryn nazarǵa alǵan bolatyn. Is keıіn sotqa jettі.
Sondaı-aq mınıstrlіktіń Oıyn bıznesіn jáne lotereıany retteý komıtetі Janabylov satqan kýrs baǵasynyń negіzsіz qymbat ekenіn habarlaǵan.
Eske sala keteıіk, bloger Erbolat Janabylovqa qatysty alǵashqy sot otyrysy 5 qyrkúıekte Astanada ótken edі.
Sol kezde onyń advokaty іstі toqtatýdy suraǵan, bіraq sot bul ótіnіshtі qabyldamaǵan.
Material avtory
