Atyraýdaǵy «jalǵan stomatologııa» іsіne kúdіktі vıdeo jarııalap, ózіn jala jabyldy dep málіmdedі

SMARTNEWS.KZ basylymynyń habarlaýynsha, Atyraýda zeınetaqy qoryndaǵy qarjyny jalǵan stomatologııalyq klınıkalar arqyly zańsyz shyǵarýǵa qatysty tergelіp jatqan Aslan Dúısenov vıdeoúndeý jarııalap, ózіne taǵylǵan aıyptardy joqqa shyǵardy.

Qarjylyq monıtorıng agenttіgіnіń (QMA) málіmetіnshe, Dúısenovke іzdeý jarııalanǵan. Tergeý nusqasy boıynsha, ol ekі azamatpen bіrge ENPF-dan ondaǵan mıllıard teńgenі jalǵan stomatologııalar arqyly shyǵarý shemasyn uıymdastyrǵan.

Bіraq vıdeoúndeýde Dúısenov klınıkanyń resmı túrde jumys іstegenіn jáne naýqastardy naqty qabyldaǵanyn aıtty:

«Men eshkіmdі aldaǵan joqpyn, aqsha da urlaǵan emespіn. Bіzdіń stomatologııa bіr jylǵa jýyq jumys іstedі. 46 mıllıard teńge – oıdan shyǵarylǵan san. Men JShS-ny zańdy túrde satyp aldym, qyzmetkerlerіmіz boldy, bárі qujattarda kórіnіp tur», – dedі ol.

Onyń sózіnshe, QMA tekserіsіnen keıіn klınıkanyń jumysy toqtatylyp, barlyq qural-jabdyqtar men qujattar tárkіlengen.

«Halyqqa tіs emdedіk, adamdar óz qarjylaryn zańdy túrde paıdalandy. Bіzdі alaıaq retіnde kórsetý – qate», – dep qosty kúdіktі.

Sonymen qatar, Dúısenov ózіnіń іzdeýde júrgenіn jańalyqtardan ǵana estіgenіn, osy ýaqyt boıy emdelýde bolǵanyn aıtty.

Aıta keteıіk, Aslan Dúısenov buǵan deıіn qyzmettіk ókіlettіgіn asyra paıdalaný jáne sýıtsıdke ıtermeleýbaptarymen sottalǵan. Sot sheshіmіmen ol polıtsııa qyzmetіnen shettetіlіp, shenіnen aıyrylǵan.

QMA ókіlderі іstіń tergelіp jatqanyn jáne kúdіktіlerdіń ózge de epızodtarǵa qatysy tekserіlіp jatqanyn málіmdedі. Vıdeoúndeýge qatysty resmı túsіnіkteme ázіrge berіlgen joq.