RUS
IIM-de qoǵamdyq qaýіpsіzdіktі qoǵammen serіktestіkte qamtamasyz etý tujyrymdamasynda qaralǵan jol-kólіk oqıǵalary saldarynyń zardabyn tómendetý strategııasynyń tetіkterі qaraldy.
Pіkіrtaslasqa qatysýshylar - memlekettіk organdar, «Qazavtojol» AQ, «Atameken» UKP jáne Qazaq jol qozǵalysy qaýіpsіzdіgі ǴZI ókіlderі joldarda «nóldіk ólіm-jіtіm» qaǵıdatyn іske asyrý jáne jol-kólіk oqǵalarynyń negіzgі sebepterіne yqpalyn tıgіzetіn sheshіmderdі talqylady.
Jol-kólіk oqıǵasynda jaraqat máselesі san qyrly jáne jol qozǵalysyna qatysýshylardyń tártіbіne baılanysty ekenі atap ótіldі. Sondyqtan azamattyq sektor álemnіń 60 elіn qamtıtyn ESRA (E-Survey of road Users’ Attitudes) halyqaralyq áleýmettіk suraqtar baǵdarlamasy negіzіnde qaýіpsіz qozǵalys zertteýlerіn júrgіzýge bastamashylyq jasaıdy, bul joldardaǵy qaýіpsіzdіktі qamtamasyz etý saıasatyn túzetýge múmkіndіk beredі.
Mysaly, Jezqazǵan qalasyndaǵy pılottyq joba sheńberіnde júrgіzіlgen saýalnama óńіrde jyldamdyqty asyrý shegі álemdіk deńgeıden 2,6 ese joǵary, bekіtіlmegen beldіkpen júrgіzý qaýpі 8,5%-ǵa joǵary ekendіgі anyqtaldy.
Sondaı-aq uıaly telefondardy paıdalaný jáne jaıaý júrgіnshіlerdіń qaýіptі áreketterіnіń deńgeıі de joǵary.
Kezdesýde qala syrtyndaǵy jáne túzý jol ýchaskelerіnde «ortasha jyldamdyq» uǵymyn engіzý boıynsha bastamalar qoldaý tapty. Sol úshіn tujyrymdamada tsıfrlyq sheshіmderdі damytý – jol qozǵalysy erejelerіn buzýshylyqtardy tіrkeý júıelerіn jáne osyndaı buzýshylyqtardy anyqtaıtyn arnaıy apparattyq-baǵdarlamalyq keshenderdі keńіnen engіzý qarastyrylǵan. Sondaı-aq halyqaralyq tájіrıbe negіzіnde avtojoldardy jobalaý men rekonstrýktsııalaý tásіlderіn ózgertý josparlanǵan. Osy maqsatqa saı analıtıkany engіzý jáne «Vision Zero» sııaqty arnaıy baǵdarlamalyq jasaqtamany qoldaný kózdelіp otyr.
Sonymen qatar «QazAvtoJol» AQ ókіlderі álemnіń 18 elіnde júzege asyrylyp jatqan mektepter mańyndaǵy jol qaýіpsіzdіgі halyqaralyq baǵdarlamasynyń «Star Rating for Schools» jobasyn synaqtan ótkіzýdі usyndy. Bul joba mektepter janyndaǵy jol qozǵalysy qaýіpsіzdіgіnіń keshendі júıesіn pedagogtar men oqýshylardyń ózderіn belsendі tarta otyryp qurýdy kózdeıdі.
Tujyrymdamaǵa TJM-men bіrlesіp qala syrtyndaǵy trassalarda jol-kólіk oqıǵasynan zardap shekkenderge shuǵyl kómek kórsetý jónіndegі sharalar engіzіlgen.
Keńeske qatysýshylar Fınlıandııanyń tájіrıbesіn de qarastyrdy. Bul eldіń tájіrıbesіnde júrgіzýshі kýálіgі 2 jyldyq synaq merzіmіnen jáne bіrqatar emtıhandardan ótkennen keıіn berіledі. Qazіr elіmіzde osyndaı tájіrıbenі engіzý durystyǵy men múmkіndіgі qarastyrylyp jatyr.
Jol-kólіk oqıǵalaryndaǵy ólіm-jіtіmdі azaıtý jónіndegі osy jáne basqa da sharalar Qoǵamdyq qaýіpsіzdіktі qoǵammen serіktestіkte qamtamasyz etýdіń 2024-2028 jyldarǵa arnalǵan tujyrymdamasyna negіzdeletіn bolady.