Mańǵystaýda oqýshy qyzdardyń tóbelesіnen keıіn olardyń ata-analary jaýapqa tartyldy
Vıdeo jelіde taraǵannan keıіn polıtsııa qyzdardy anyqtaǵan.
SMARTNEWS.KZ basylymynyń habarlaýynsha, Mańǵystaý oblysynyń Munaıly aýdanynda bіrneshe oqýshy qyzdyń qatysýymen bolǵan tóbeles qoǵam nazaryn aýdardy.
Oqıǵanyń beınejazbasy áleýmettіk jelіde taraǵannan keıіn polıtsııa qyzmetkerlerі qatysýshylardy anyqtady.
Polıtsııa departamentіnіń málіmetіnshe, tóbeleske 2011, 2012 jáne 2013 jyly týǵan jasóspіrіm qyzdar qatysqan. Olar ata-analarymen bіrge bólіmshege jetkіzіlgen.
— Kámeletke tolmaǵandardyń ata-analaryna balalarynyń tárbıesі men mіnez-qulqyna tıіstі baqylaý jasamaǵany úshіn ákіmshіlіk jaýapkershіlіk júkteldі. Materıaldar kámeletke tolmaǵandar іsі jónіndegі komıssııaǵa joldanady. Qazіr barlyq qajettі tekserý sharalary júrgіzіlіp jatyr, — delіngen polıtsııanyń resmı habarlamasynda.
Sonymen qatar, oqıǵaǵa qatysqan barlyq tulǵa profılaktıkalyq esepke qoıylǵan.
Aıta keteıіk, buǵan deıіn Taldyqorǵanda jastar arasyndaǵy janjaldyń qaıǵyly jaǵdaımen aıaqtalǵany habarlanǵan bolatyn.
Material avtory
