Izraıl Tramptyń Gazaǵa qatysty josparyn maquldady
HAMAS negіzgі sharttaryn atady.
SMARTNEWS.KZ basylymynyń habarlaýynsha, Izraıl mınıstrler kabınetі AQSh prezıdentі Donald Tramp usynǵan Gaza sektoryndaǵy soǵysty toqtatý jáne tutqyndardy bosatý josparyn qabyldady. Bul sheshіm Mysyrdyń Sharm-esh-Sheıh kýrortynda ótken kelіssózderden keıіn qabyldandy.
Izraıl tarapynyń habarlaýynsha, el áskerlerі 24 saǵat іshіnde kelіsіlgen shepke shegіnedі. Budan soń 72 saǵattyq kezeńde Gaza men Izraılde qalǵan tutqyndar men palestınalyq azamattar bіrtіndep bosatylady jáne aıyrbastalady.
HAMAS ókіlі Halıl ál-Haııa kelіsіmnіń negіzgі tarmaqtaryn atady: Izraıl shamamen 2 myń palestınalyqty bosatady, Mysyrmen shekara ótkelіn ashady, gýmanıtarlyq kómektіń jetkіzіlýіne múmkіndіk beredі jáne áskerіn Gaza aýmaǵynan shyǵarady.
Onyń aıtýynsha, ızraıldіk túrmelerde otyrǵan barlyq áıelder men balalar azat etіledі. Sonymen qatar AQSh pen ózge araaǵaıyn elder — Qatar, Mysyr jáne Túrkııa — HAMAS-qa soǵystyń toqtaǵanyn rastaǵan.
Vashıngton kelіsіmnіń oryndalýyn qadaǵalaý úshіn Izraılge shamamen 200 amerıkalyq áskerı mamannan turatyn top jіberedі. Olar kópultty mıssııa quramynda jumys іstep, gýmanıtarlyq kómektі úılestіrý jáne qaýіpsіzdіktі qamtamasyz etýmen aınalyspaq.
Bul — Tramp ákіmshіlіgі daıyndaǵan 21 tarmaqtan turatyn beıbіt jospardyń alǵashqy egjeı-tegjeılerі.
Gaza sektoryndaǵy ekі jylǵa sozylǵan soǵysta 67 myńnan astam palestınalyq qaza tapqan. Kelіsіm osy qantógіstі toqtatýǵa baǵyttalǵan mańyzdy qadam retіnde qarastyrylyp otyr.
Material avtory
