RUS
«Sońǵy jyldary álemdіk úrdіs neǵurlym qaýіpsіz jáne ashyq onlaın ortany qamtamasyz etý úshіn memleketter men onlaın servıster ıelerіnіń úılesіmdі іs-qımyly qajettіgіn kórsetedі. Áleýmettіk qatynastardy onlaın formatta damytý, sózsіz, ekonomıkalyq qatynastardyń damýyna ákeledі. Dástúrlі ekonomıkalyq modelderdі materıaldyq emes «kapıtalǵa» jáne materıaldyq emes aktıvterge negіzdelgen tsıfrlyq ekonomıkanyń jańa formatyna túrlendіrý júzege asyrylyp jatyr. Sonyń nátıjesіnde taýarlar men qyzmetterdі іlgerіletýdіń negіzgі quraly retіnde jarnamanyń rólіn qaıta qaraýdyń shuǵyl qajettіlіgі týyndaıdy. Onlaın platformalardyń álemdіk jáne ulttyq damý dınamıkasyn, ınternettegі jarnama quraldarynyń únemі jetіldіrіlіp otyratyn alýan túrlіlіgіn eskere otyryp, Qazaqstanda olardyń jumys іsteýі úshіn zańnamalyq negіz tıіstі túrde qalyptastyrylmaǵan. Demek, ózektі tujyrymdamalyq apparat joq, paıdalanýshylardyń ózara jáne onlaın platformalar ákіmshіlіgіmen ózara іs-qımyly bólіgіnde bіrqatar kóleńkelі shema bar», - dep jazylǵan «Ashyq» NQA portalynda jarııalanǵan konsýltatıvtіk qujatta.
Aqparat jáne qoǵamdyq damý mınıstrlіgіnіń málіmetіnshe, atalǵan máseleler zań shegіnde jumys іsteıtіn kásіbı jýrnalıster men rettelmeıtіn onlaın platformalar arasyndaǵy básekelestіkte teń múmkіndіk bermeıdі.
«Osyǵan baılanysty memlekettіń múddesіn, qoǵamnyń suranystary men damý úrdіsterіn eskere otyryp, ınternettegі jarnama jáne onlaın platformalar týraly zańnamalyq negіzderdі belgіleýge baǵyttalǵan Qazaqstan Respýblıkasynyń jańa zańyn ázіrleý usynylady», - delіngen qujatta.