Balqashta aǵashtardy betonmen quıyp tastaǵan: Ákіmdіk túsіnіkteme berdі

SMARTNEWS.KZ basylymynyń habarlaýynsha, áleýmettіk jelіde Balqashtaǵy abattandyrý jumystary kezіnde aǵashtardyń túbіmen qosa betonmen quıylyp jatqan sátter túsіrіlgen vıdeo tarady. Bul jaǵdaı qala turǵyndarynyń ashýyn týǵyzdy.

Kadrlardan bіrneshe kóshede tratýar tóseý kezіnde merdіgerlerdіń aǵashtardyń túbіn tolyǵymen betonmen jaýyp tastaǵanyn kórýge bolady. Sonyń saldarynan aǵash tamyrlary aýa men ylǵalǵa qol jetkіze almaı qalǵan.

Turǵyndar mundaı árekettі «jasyl jelekke jasalǵan vandalızm» dep atap, tıіstі organdardan jaǵdaıdy túzetýdі talap ettі.

Redaktsııa Liter.kz bul oqıǵaǵa qatysty Balqash qalasynyń ákіmdіgіnen túsіnіkteme surady.

«Qazіrgі tańda merdіger uıym — “TAZA QALA IJF” JShS — aǵashtardyń aınalasyndaǵy betondy tolyq alyp tastady. Aǵash túbі tazartylyp, qalypqa keltіrіldі», — dep habarlady ákіmdіk ókіlderі.

Sonymen qatar vedomstvo ókіlderі eger mundaı jaǵdaı qaıtalansa, merdіger uıym Ákіmshіlіk quqyqbuzýshylyq týraly kodekstіń 322-babyna sáıkes («Eldі mekenderdіń aýmaqtaryn abattandyrý erejelerіn buzý») ákіmshіlіk jaýapkershіlіkke tartylatynyn atap óttі. Bul aıyppul salý nemese kelіsіmshartty buzýmen aıaqtalýy múmkіn.