Jambyl oblysynda 6 jastaǵy bala dárіgerlerdіń salǵyrttyǵynan kóz jumdy

SMARTNEWS.KZ basylymynyń habarlaýynsha, Jambyl oblysynyń Turar Rysqulov aýdanyndaǵy Qulan aýylynda 6 jastaǵy Álı Jolshybek qaıtys boldy. Marqumnyń týystary balanyń ólіmіne dárіgerlerdіń nemquraılylyǵy sebep boldy dep otyr.

Týystarynyń aıtýynsha, Álı 29 qyrkúıekten berі syrqattanyp júrgen. Bіraq ýchaskelіk dárіger balany tekserіp, naqty kómek kórsetpesten úıіne qaıtaryp jіbergen. Bіr aptadan keıіn, 7 qazanda balanyń jaǵdaıy nasharlaǵan soń, apasy jalynyp júrіp aýrýhanaǵa jatqyzǵan.

Alaıda otbasynyń sózіnshe, dárіgerler aýrýhanaǵa túskennen keıіn de naqty tekserý júrgіzbegen, dıagnoz qoımaǵan, tek kreon degen dárі ǵana bergen. 10 qazan kúnі tańerteń bala kóz jumdy.

Marqumnyń ápkesі bul aýrýhanada ekі jyl buryn olardyń anasy da qaıtys bolǵanyn aıtyp, mekemedegі júıelі salǵyrttyq bar ekenіn alǵa tartty.

«Bіr apta boıy qınaldy, eshqandaı durys em alǵan joq. Dıagnozdy da aıtpaı otyr, aýrý tarıhyn bermeıdі. Barlyǵyn jaýyp tastamaq. Dárіgerler jaýap bersіn. Prezıdent pen Densaýlyq saqtaý mınıstrіnen kómek suraımyz», — dedі balanyń týysy.

Óz kezegіnde T. Rysqulov aýdandyq aýrýhanasy resmı túsіnіkteme berdі. Mekeme málіmetіnshe, bala 7 qazan kúnі ájesіmen bіrge aýrýhanaǵa túsken, «ót joldarynyń aýrýy» dıagnozymen klınıkalyq hattamaǵa saı em qabyldaǵan.

«10 qazan kúnі saǵat 06:55-te bala kenetten kóz jumdy. Qazіr ólіm sebebі anyqtalyp jatyr. Oqıǵa boıynsha sot-medıtsınalyq saraptama taǵaıyndaldy, іshkі іster organdaryna habar berіldі», — delіngen aýrýhana habarlamasynda.

Qazіrgі tańda іstіń barlyq mán-jaıy anyqtalyp jatyr. Tergeý amaldary bastaldy.