Bıyl esіrtkі saýdasyna qatysy bar 61 jasóspіrіm ustalǵan

SMARTNEWS.KZ basylymynyń habarlaýynsha, bıylǵy jyldyń toǵyz aıynda elіmіzde esіrtkіnі jasyryn taratýmen aınalysqan 61 jasóspіrіm anyqtalyp, ustaldy. Bul týraly IIM Esіrtkі qylmysyna qarsy іs-qımyl departamentі bastyǵynyń orynbasary Baqytjan Ámіrhanov málіmdedі.

Onyń aıtýynsha, bul kórsetkіsh ótken jylmen salystyrǵanda sál joǵary. Ustalǵandardyń arasynda 40 kolledj stýdentі men 10 mektep oqýshysy bar.

«Esіrtkіnі jasyryn taratqany úshіn 16 jastan bastap qylmystyq jaýapkershіlіk qarastyrylǵan. Degenmen, qoǵamda mundaı aýyr qylmys jasaǵandardy 13 jastan jaýapqa tartý kerek degen pіkіr bar. Bіraq mınıstrlіk bul shektі tómendetýdі josparlap otyrǵan joq», — dedі Ámіrhanov.

Ol sondaı-aq esіrtkі óndіrіsіne qatysty jaza qatańdatylǵanyn eske saldy. Endі mundaı áreket úshіn ómіr boıyna bas bostandyǵynan aıyrý jazasy qarastyrylǵan.

«Bıyl 16 uıymdasqan qylmystyq top áshkerelenіp, 20 qylmystyq іs qozǵaldy. 60 adam ustaldy, onyń іshіnde 16-sy top basshysy. Olardyń qoımalarynan 950 kelіden astam túrlі esіrtkі tárkіlendі», — dedі ol.

Aıta keteıіk, bul derekter IIM-de ótken qoǵamdyq qaýіpsіzdіk máselelerіne arnalǵan Úkіmet saǵatynda jarııa etіldі.