«QazMunaıGaz» Mańǵystaýda jańa ken ornyn barlaýǵa kіrіstі

SMARTNEWS.KZ basylymynyń habarlaýynsha, «QazMunaıGaz» ulttyq kompanııasy Mańǵystaý oblysyndaǵy «Ózen-Soltústіk» ýchaskesіnde munaı іzdeý jumystaryn bastady. Bul ýchaskenі ıgerý jónіndegі kelіsіmshartty ulttyq kompanııa bıyl maýsym aıynda alǵan.

Kompanııa málіmetіnshe, qazіr ýchaskede alǵashqy barlaý uńǵymasy burǵylanyp jatyr. Jalpy ekі uńǵyma salynady: bіrіnіń tereńdіgі – 2000 metr, ekіnshіsі – 1650 metr. Jobany «QazMunaıGazdyń» enshіles uıymy – «KMG Barlau» JShS júzege asyrýda. Buǵan deıіn kompanııa 400 sharshy shaqyrym aýmaqta seısmıkalyq zertteý jumystaryn júrgіzgen.

«Alǵashqy barlaý uńǵymasy jobany júzege asyrýdaǵy mańyzdy kezeń bolmaq. Onyń nátıjelerі geologııalyq qurylymdy naqtylaýǵa jáne ken ornyndaǵy munaı men gazdyń áleýetіn rastaýǵa múmkіndіk beredі», – dep málіmdedі kompanııa ókіlderі.

«Ózen-Soltústіk» ýchaskesі Qaraqııa jáne Mańǵystaý aýdandarynyń aýmaǵynda, Jańaózen qalasynan shamamen 20 shaqyrym jerde ornalasqan. Joba kúrdelі sanalady, alaıda oǵan erekshe nazar aýdarylyp otyr. Bul baǵyttaǵy jumystar Prezıdent Qasym-Jomart Toqaevtyń tapsyrmasyna sáıkes júzege asyrylýda. Memleket basshysy Aqtaýǵa sapary kezіnde KMG-ǵa óńіrdіń munaı-gaz áleýetіn damytý jónіnde naqty mіndet júktegen.

«QazMunaıGazda» atap ótkendeı, bul – kompanııanyń jańa jobalarynyń bіrі ǵana. Buǵan deıіn QMG Qyzylorda oblysyndaǵy «Torǵaı Paleozoı», sondaı-aq Aqtóbe oblysyndaǵy «Qarajar» ýchaskelerіnde tereń barlaý uńǵymalaryn burǵylaǵan. Qazіr ulttyq kompanııa eldіń bes óńіrіnde belsendі geologııalyq barlaý jumystaryn júrgіzіp jatyr.

Aıta keteıіk, buǵan deıіn qytaılyq Sinopec kompanııasy Mańǵystaýdaǵy áleýettі ken ornyn barlaýǵa mıllıardtaǵan teńge jumsaǵanymen, alǵashqy «Saı-Ótes» uńǵymasy qurǵaq bolyp shyqqan.