Tramp: «Men segіzіnshі soǵysty da toqtattym»
Mıllıondaǵan adamnyń ómіrіn saqtap qaldym deıdі Tramp.
SMARTNEWS.KZ basylymynyń habarlaýynsha, AQSh prezıdentі Donald Tramp Izraıl men «HAMAS» arasyndaǵy soǵystyń aıaqtalǵanyn málіmdedі. Bul týraly ol jýrnalısterge ushaǵynda bergen suhbatynda aıtty.
Jýrnalısterdіń bіrі Izraıl premerі Bınıamın Netanıahý resmı túrde soǵystyń aıaqtalǵanyn jarııalamaǵanyn eske salǵanda, Tramp qysqa ǵana:
«Soǵys aıaqtaldy. Túsіndіńіzder me?» — dep jaýap berdі.
Sondaı-aq ol bul óz toqtatqaly otyrǵan segіzіnshі soǵys ekenіn atap óttі.
«Qazіr Pákіstan men Aýǵanstan arasynda qaqtyǵys júrіp jatqanyn estіdіm. Oılap qoıamyn, menі qaıta shaqyratyn shyǵar dep. Sebebі men soǵystardy toqtatýdan shebermіn. Men beıbіtshіlіktі ornatýda jaqsy jumys іsteımіn. Mıllıondaǵan adamnyń ómіrіn saqtap qaldym... Men muny Nobel syılyǵy úshіn emes, adam ómіrіn qorǵaý úshіn jasadym», — dedі AQSh prezıdentі.
Aıta ketsek, Gaza sektorynda bіtіm 10 qazan kúnі kúshіne endі. Bul AQSh prezıdentі Donald Tramptyń bastamasymen jasalǵan beıbіt jospardyń alǵashqy kezeńі. Al 13 qazanda Egıpette soǵysty toqtatý jónіndegі kelіsіmge qol qoıý rásіmі ótpek. Sol kúnі tańerteń «HAMAS» Qyzyl Krest ókіlderіne alǵashqy jetі ızraıldіk tutqyndy tapsyrdy.
Material avtory
