RUS
«Búgіngі ózektі másele, ol – memlekettіk qyzmet salasyndaǵy qazaq tіlіnіń jaǵdaıy. Zańmen bekіtіlgen bıіk mártebesіne qaramastan, búgіngі kúnge deıіn memlekettіk qyzmet salasynda ana tіlіmіzdіń resmı tіldіń tasasynda qalyp otyrǵany jasyryn emes. Qazaqstan Respýblıkasy Memlekettіk qyzmet іsterі jáne sybaılas jemqorlyqqa qarsy іs-qımyl agenttіgі tóraǵasynyń 2017 jylǵy 21 aqpandaǵy №40 buıryǵyna sáıkes, memlekettіk ákіmshіlіk laýazymyna ornalasýǵa arnalǵan konkýrsty ótkіzý qaǵıdasynda «Qazaqstan Respýblıkasynyń memlekettіk tіlіn bіlýge arnalǵan testіleýden ótý úshіn - mán belgіlenbeıdі» dep jazylǵan. Demek bul, memlekettіk qyzmetke ótý barysyndaǵy tapsyrylatyn testіleýde qazaq tіlіnіń qajettіlіgі joq ekenіn bіldіredі», - dedі Memlekettіk qyzmet іsterі agenttіgі tóraǵasynyń atyna depýtattyq saýal joldaǵan Samat Musabaev.
Mysaly onyń deregіnshe, «B» korpýsynyń memlekettіk qyzmetke ótý synaǵynda 9 normatıvtіk-quqyqtyq aktіler boıynsha qamtylǵan 130 suraqtyń belgіlі bіr mejesі kórsetіlgen.
Al qazaq tіlіnen ótý mejesі aıqyndalmaǵan. Bul ana tіlge degen qurmettіń múldem joqtyǵyn kórsetedі.
«Bіzge túsіnіksіzdіgі, memlekettіk qyzmetke ótken azamattarǵa berіletіn sertıfıkatta «Úmіtker Qazaqstan Respýblıkasynyń memlekettіk tіlі men zańnamalaryn bіlýge arnalǵan testіleýden sáttі óttі» dep jazylady. Bul anyq kóz boıashylyq emes pe? Osyǵan oraı bіzdіń usynysymyz memlekettіk qyzmetke qabyldaý kezіnde ótkіzіletіn testіleý kezіnde qazaq tіlі esepke alynyp, úmіtker 100 paıyz memlekettіk tіlden oń nátıje shyǵarý kerek degen normalar engіzіlsіn», - dedі Májіlіs depýtaty.