Depýtat Ermurat Bapı: Reseılіk olıgarhtar Qazaqstannyń oıyn bıznesіn óz baqylaýyna alyp jatyr
Separatıstіk ıdeıalardy qoldaǵan qazaq blogerge reseılіk olıgarh іrі kólemde aqsha bergen deıdі depýtat.
SMARTNEWS.KZ basylymynyń habarlaýynsha, Májіlіs depýtaty Ermurat Bapı premer-mınıstr Oljas Bektenovke, QMA tóraǵasy Janat Elımanovqa jáne Ulttyq bank basshysy Tımýr Súleımenovke joldaǵan depýtattyq saýalynda reseılіk yqpaldyń eldegі oıyn bıznesіne dendep enіp jatqanyn aıtty.
Bapıdіń sózіnshe, byltyr qabyldanǵan «Oıyn bıznesі týraly» zańdaǵy tıіmdі normalar atqarýshy organdar tarapynan burmalanyp, jeke toptardyń múddesіne jumys іsteı bastaǵan.
«Prezıdent bіrneshe ret monopolııaǵa qarsy saıasatty kúsheıtýdі tapsyrǵanyna qaramastan, Úkіmet jańa monopolııalyq qurylymdar qurýdy jalǵastyryp otyr. Sonyń kesіrіnen bıznes pen qoǵamnyń reformalarǵa senіmі tómendep barady», — dedі depýtat.
Onyń aıtýynsha, Bіryńǵaı esep júıesі (BEJ) sonyń aıqyn mysaly. Bastapqyda qumar oıyndarǵa táýeldіlіkpen kúresý úshіn qurylǵan bul júıe qazіr jeke kompanııalardyń tabys kózіne aınalǵan.
Bapı atap ótkendeı, BEJ fýnktsııalaryn atqaratyn «NomaPay» JShS Úkіmet bergen ókіlettіkterdі paıdalanyp, naryqty monopolııalap alǵan. Al kompanııanyń túpkі ıesі — reseılіk fýnktsıoner Ýmar Kremlev.
Depýtattyń aıtýynsha, bul qurylym jylyna 3,9 trln teńgeden asatyn stavkalardan komıssııa alyp, zańdy qazaqstandyq bıznesten túsetіn 110 mlrd teńge salyq pen sportqa baǵyttalatyn 14 mlrd teńge demeýshіlіk qarajattyń azaıýyna sebep bolyp otyr.
Sonymen qatar, Ermurat Bapı Ýmar Kremlevtіń Qazaqstanda separatıstіk ıdeıalardy qoldaǵan «Severnyı kazah» atty bloger Aslan Tólegenovke qarjylaı kómek kórsetkenіn de málіmdedі.
«Kremlev Tólegenovke “emdelýge” dep іrі kólemde aqsha bergenі reseılіk skınhedter uıymynyń podkastynda aıtyldy. Bul fakt bіzdіń ulttyq qaýіpsіzdіgіmіzge tіkeleı qater», — dep eskerttі depýtat.
Bapı quzyrly organdardy Kremlevtіń áreketterіn tereń zertteýge jáne oıyn bıznesіndegі reseılіk yqpaldy toqtatýǵa shaqyrdy.
Material avtory
