Lıýks ómіrden tіgіn mashınaǵa deıіn: Perızat Qaırat kolonııada jumys іsteıdі
Perızat Qaırat túrmede tіgіn tіgýdі úırenedі.
SMARTNEWS.KZ basylymynyń habarlaýynsha, Ishkі іster vıtse-mınıstrі Abaı Qaıyrbekov sottalǵan Perızat Qaırattyń qaı jerde jáne qandaı jumys atqaratyny týraly aıtty.
Onyń sózіnshe, Perızat Qaırattyń kolonııadaǵy qyzmetі onyń kásіbı bіlіktіlіgі men túzetý mekemesіndegі bos jumys oryndaryna baılanysty anyqtalady.
«Qolaıly bos oryndar qaralady. Eger kásіbı daǵdylary jetkіlіksіz bolsa, túzeý mekemesіnіń іshіnde oqytý kýrstary nemese kolledjderde daıarlyq júrgіzіledі. Qaırat tіgіn óndіrіsіnde ne sharýashylyq jumystarynda eńbek etýі múmkіn», — dedі Qaıyrbekov.
Vıtse-mınıstrdіń aıtýynsha, sottalǵandardyń jalaqysy іstegen jumysynyń kólemіne qaraı esepteledі, bіraq eń tómengі jalaqydan az bolmaıdy.
Sonymen qatar, ol Perızat Qaırat pen onyń anasy Gaını Alashbaevany bіr kolonııaǵa ornalastyrý múmkіn ekenіn de rastady.
«Olardy bіr mekemede ustaý qarastyrylýy múmkіn. Bіraq bіr nemese ártúrlі otrıadta bolý máselesі mekemenіń іshkі jaǵdaıy men qaýіpsіzdіk talaptaryna saı sheshіledі», — dedі ol.
Aıta keteıіk, bıyl 25 shіldede sot Perızat Qaıratty 10 jylǵa, al onyń anasyn 7 jylǵa bas bostandyǵynan aıyrdy. Tergeý málіmetіnshe, olar 3,5 mıllıard teńgenі jymqyrǵan. Bul qarajat qaıyrymdylyq maqsatynda — múmkіndіgі shekteýlі balalarǵa, sý tasqynynan jáne soǵystan zardap shekkenderge kómek retіnde jınalǵan.
Sot úkіmі boıynsha Perızat Qaırattyń elıtalyq jyljymaıtyn múlkі, lıýks kólіkterі men qymbat áshekeılerіne tyıym salyndy.
Material avtory
