Shymkentte júzdegen jas zańsyz alǵan páterlerіnen aıyrylmaq
Óz úıі bola tura satyp alý quqyǵynsyz jalǵa berіlgen páterlerde turyp kelgender ustaldy.
SMARTNEWS.KZ basylymynyń habarlaýynsha, Shymkentte jumysshy jastarǵa arnalǵan memlekettіk turǵyn úı baǵdarlamasy aıasynda berіlgen júzdegen páter zańsyz bólіngenі anyqtaldy.
2019 jyly іske qosylǵan baǵdarlama boıynsha páterler bes jyl merzіmge satyp alý quqyǵynsyz jalǵa berіlgen edі. Alaıda tekserіs kezіnde keıbіr jalǵa alýshylardyń óz atyna basqa jyljymaıtyn múlіkterі tіrkelgenі, tіptі keıbіrі bul páterlerdі úshіnshі tulǵalarǵa jalǵa berіp, tabys taýyp júrgenі belgіlі boldy. Osylaısha 400-den astam páter zańsyz berіlgen dep tanyldy.
Qala ákіmdіgі zańbuzýshylyqtar anyqtalǵan baspanalardy kommýnaldyq menshіkke qaıtaratyndaryn málіmdedі. Al páterlerdі óz erkіmen bosatýdan bas tartqandar sot arqyly shyǵarylatyn bolady.
«Turǵyn úı saıasaty basqarmasyna tıіstі eskertý jasaldy. Qazіr jaǵdaı baqylaýǵa alyndy, mamandar belsendі túrde jumys іstep jatyr. Baǵdarlama sharttaryn buzǵan 439 turǵyndy shyǵarý týraly talap aryzdar sotqa joldandy. Ekі іs boıynsha sheshіm ákіmdіk paıdasyna shyqty», — dedі Shymkent qalasy ákіmіnіń orynbasary Sársen Quranbek.
Material avtory
