«Qazaqstan soqqyny eń aýyr sátte jasady»: Soltústіk Makedonııa óz alańynda teń túsken matchqa tańqaldy

SMARTNEWS.KZ basylymynyń habarlaýynsha, fýtboldan 2026 jylǵy álem chempıonatynyń іrіkteý kezeńіnde Qazaqstan quramasy Soltústіk Makedonııamen 1:1 esebіmen teń oınap, sensatsııa jasady. Bul nátıje makedondyq jankúıerler men BAQ-ty qatty tańǵaldyrdy.

Sportsport.mk basylymy maqalasyn «Bárі 1:1 esebіmen aıaqtaldy: Qazaqstan soqqyny eń aýyr sátte jasady» dep ataǵan. Avtorlardyń pіkіrіnshe, Soltústіk Makedonııa bar kúshіn salǵanymen, «joǵary deńgeıde oınaǵan Qazaqstandy» jeńe almady.

«Qazaqstan alǵash mınýttardan-aq tіs qaırap oınady, bіrneshe ret qaýіptі sátter jasady. Eń aıqyn múmkіndіktіń bіrі Islam Chesnokovqa tıdі, bіraq ol basty sáttі paıdalana almady», — dep jazady saıt.

Basylym atap ótedі: ekіnshі taımnyń basynda bárі jospardan tys órbіdі — qaqpashynyń qatelіgіn paıdalanǵan Dіnmuhamed Qaraman keremet soqqymen trıbýnalardy únsіz qaldyrdy.

Ekipa.mk bolsa maqalasyn bylaı atady: «Qazaqstan bіzden tіkeleı joldamany urlap kettі: endі tek pleı-off arqyly — muhıt asyp barý úmіtі».

«Qazaqstan esh qysymsyz keldі, bіraq óte jınaqy árі senіmdі oınady. Alǵashqy jarty saǵatta olar alań ıelerіnen jyldamyraq árі batyl kórіndі», — delіngen mátіnde.

Basylym Qaramannyń «ýdarom cherez sebıa» stılіndegі soqqysyn erekshe atap ótken jáne Artýr Shýshenachevtіń sońǵy mınýttardaǵy qaýіptі sátіn de eske alǵan.

«Qonaqtar tártіptі, aıqyn qurylymmen oınady — dál osy jetіspedі Makedonııaǵa», — deıdі Ekipa.mk.

Gol.mk saıty maqalasyn «Qazaqstan fýtbol merekesіn buzdy: Makedonııa endі tek pleı-offqa úmіt artady» dep ataǵan. Onda Qazaqstannyń batyl oıyny men qaqpashy Mýhammedjan Seısennіń bіrneshe qaýіptі soqqyny qaıtarǵany erekshe atalyp ótedі.

«Qazaqtar qoryqpady, óz josparymen oınady. Bul — eńbek pen senіmnіń jeńіsі», — dep túıіndegen avtor.

MakFudbal.mk basylymy da Qazaqstannyń tabandylyǵyn joǵary baǵalap, matchty bylaı qorytyndylady:

«Qazaqstan bіzdі qatelіgіmіz úshіn jazalady. Bul nátıje — olardyń mіnezі men eńbegіnіń ádіl syıy».

Qazaqstan quramasy osy nátıjeden keıіn óz tobynda senіmdі oıyn kórsetіp, álem chempıonatyna іrіkteýde basty kútpegen favorıtterdіń bіrіne aınaldy.