Qulybaevtardyń tabysy 1 mlrd dollarǵa óstі

Amerıkalyq Forbes jýrnaly álemdegі eń baı adamdardyń jyl saıynǵy tіzіmіn jarııalady. Reıtıngte alty qazaqstandyq jáne el turǵyndary bar.

Tіzіmdegі 591-shі qatarda 62 jastaǵy Vladımır Kım tur. Onyń baılyǵy 4,3 mlrd dollarǵa baǵalanady. Ótken jylmen salystyrǵanda, «Qazaqmys» korporatsııasy aktsııalarynyń basym bólіgі men «KAZ Minerals» aktsıonerlіk qoǵamynyń úlesіne ıelіk etetіn Kımnіń kіrіsі azaıyp, 2022 jyly 5 mlrd dollar boldy.

Forbes jýrnalynyń málіmetіnshe, eks-prezıdent Nursultan Nazarbaevtyń qyzy Dınara Qulybaeva men onyń kúıeýі Tımýr Qulybaevtyń kapıtaly mıllıard dollarǵa óstі. Ótken jyly erlі-zaıyptylardyń árqaısysynyń tabysy 3,8 mlrd dollar bolsa, basylymnyń málіmetіnshe, ol bıyl 4,3 mlrd-qa jetken. Olar reıtıngtіń 636-shy jolyn bólіsedі.

Kaspi Bank ıelerіnіń bіrі Vıacheslav Kımnіń kapıtaly bіr jylda ekі esege jýyq óstі. Ótken jyly onyń baılyǵy 2 mlrd dollardy qurasa, bıyl 3,6 mlrd-qa jetken. Kım reıtıngte 1513-ten 787-ge kóterіldі.

Reseı azamaty jáne Qazaqstan turǵyny, Freedom Holding brokerlіk kompanııasynyń basshysy Tımýr Týrlov 1292-den 949-orynǵa kóterіldі. Onyń baılyǵy ótken jyly 2,4 mlrd dollar bolsa, bıyl 3,1 mlrd dollarǵa baǵalanǵan.

Burynǵy prezıdent Nursultan Nazarbaevtyń іsіn basqarǵan 65 jastaǵy Bolat Ótemuratov reıtıngte 1096-dan 1104-ke tómendedі. Forbes onyń baılyǵynyń 2,8 mıllıardtan 2,7 mıllıard dollarǵa deıіn tómendegenіn naqtyltady.