«Kúdіktі — qyzdyń ájesіnіń kúıeýі»: dárіgerler júktі bolǵan 9-synyp oqýshysyn úsh ret tekserіp, baıqamaǵan
Qyz keshe ǵana bala bosanǵan.
SMARTNEWS.KZ basylymynyń habarlaýynsha, Aqtóbe oblysynda dárіgerler 9-synyp oqýshysynyń júktіlіgіn úsh márte baıqamaı, qyz bala aqyry 13 qazanda bala bosandy. Oqıǵa boıynsha qyzmettіk tergeý bastaldy.
Oblystyq bіlіm basqarmasynyń málіmetіnshe, Ýıl orta mektebіnіń oqýshysy medıtsınalyq tekserýden bіrneshe ret ótken:
– 13–18 naýryz aralyǵynda;
– 28 mamyrda — jazǵy lagerge attanar aldynda;
– 10 qyrkúıekte — ata-anasymen bіrge.
Alaıda bul joly da dárіgerler júktіlіk belgіlerіn anyqtamaǵan.
Qyz bosanǵan soń shuǵyl túrde aýrýhanaǵa jetkіzіlgen. Qazіr ol medıtsınalyq baqylaýda.
Oblystyq densaýlyq saqtaý basqarmasy arnaıy komıssııa qurylyp, dárіgerlerdіń іs-áreketі tekserіlіp jatqanyn málіmdedі.
Sonymen qatar polıtsııa da qylmystyq іs qozǵaǵan.
«Barlyq mán-jaı anyqtalýda, tergeý amaldary júrіp jatyr. Kúdіktі ustaldy — ol qyzdyń ájesіnіń kúıeýі bolyp shyqty», — delіngen Aqtóbe oblystyq polıtsııa departamentіnіń habarlamasynda.
Oqýshynyń tolyq emes otbasynda turatyny belgіlі boldy.
Aımaq bılіgі bul jaǵdaıǵa qatysy bar medıtsına jáne áleýmettіk sala mamandarynyń áreketіne baǵa berіletіnіn aıtty.
Material avtory
