Májіlіste jańa depýtat qyzmetіne kіrіstі

SMARTNEWS.KZ basylymynyń habarlaýynsha, búgіn Parlament Májіlіsіnіń jalpy otyrysynda jańa halyq qalaýlysy ant berіp, óz ókіlettіgіn resmı túrde bastady. Ol – Oqý-aǵartý mınıstrі qyzmetіne taǵaıyndalǵan Juldyz Súleımenovanyń ornyna kelgen Ábýtálіp Mútálі.

Buǵan deıіn AMANAT partııasynyń saıası keńes bıýrosy Májіlіstegі bos mandatty Prezıdenttіk jastar kadrlyq rezervіnіń múshesі Ábýtálіp Mútálіge berý jónіnde sheshіm qabyldaǵan bolatyn.

Ant qabyldaý kezіnde depýtat bylaı dedі:

«Qazaqstan halqyna adal qyzmet etýge, eldіń tutastyǵy men táýelsіzdіgіn nyǵaıtýǵa, Konstıtýtsııa men zańdardy buljytpaı oryndaýǵa, depýtat retіnde ózіme artylǵan jaýapkershіlіktі abyroımen atqarýǵa ant etemіn».

Partııa málіmetіnshe, Ábýtálіp Mútálі – «Bolashaq» baǵdarlamasynyń túlegі. Ol buǵan deıіn tsıfrlyq tehnologııalar men jasandy ıntellekt salasynda jumys іstegen. Sonymen qatar jańa depýtat Májіlіstіń Ekonomıkalyq reforma jáne óńіrlіk damý komıtetіnіń quramyna engіzіldі.

Aıta ketsek, búgіngі otyrysta zań men tártіp ústemdіk etetіn qoǵam qalyptastyrýǵa baǵyttalǵan zań jobasy da talqylanýda.