Qarǵaly aýylynda 7-synyp oqıtyn jetіm qyzdy azǵyndyqqa tartý іsі boıynsha tergeý bastaldy

SMARTNEWS.KZ basylymynyń habarlaýynsha, Almaty oblysynyń polıtsııasy Qarǵaly aýylynda 7-synypta oqıtyn jetіm qyzǵa qatysty azǵyndyq áreket jasaldy degen derek boıynsha sotqa deıіngі tergeýdі bastady. Bul týraly Jambyl aýdanynyń ákіmdіgі men bіlіm bólіmі málіmdedі.

Aldyn ala málіmetke súıensek, oqıǵa 21 qyrkúıekte aýyldaǵy jeke úıdіń bіrіnde bolǵan. Mektep dırektory bul týraly tek 13 qazanda qoǵam belsendіsіnen estіp, dereý quqyq qorǵaý organdaryna habar bergen.

Polıtsııa departamentі qylmystyq іstіń QR Qylmystyq kodeksіnіń 124-baby 1-bólіgі boıynsha («On alty jasqa tolmaǵan adamǵa qatysty kúsh qoldanbaı jasalǵan jynystyq sıpattaǵy áreketter») tergelіp jatqanyn naqtylady. Qazіr oqıǵanyń barlyq mán-jaıyn anyqtaý úshіn tergeý amaldary júrgіzіlýde.

Jambyl aýdany ákіmdіgі zardap shekken qyzǵa oblystyq psıhologııalyq qoldaý ortalyǵynyń mamandary kómek kórsetіp jatqanyn habarlady. Aýdandyq bіlіm bólіmіnіń basshysy Svetlana Altynbekova mekteptіń zań aıasynda áreket etkenіn aıtyp, qoǵam ókіlderіn rastalmaǵan aqparat taratpaýǵa jáne balanyń jeke ómіrіne qatysty materıaldar jarııalamaýǵa shaqyrdy.

Buǵan qosa, Oqý-aǵartý mınıstrlіgіnіń Balalardyń quqyqtaryn qorǵaý komıtetі oqıǵaǵa qatysy bar barlyq tarappen jeke profılaktıkalyq jáne túsіndіrý jumystaryn júrgіzіp jatqanyn habarlady.