Májіlіste serıaldar men fılmderge tyıym salý talqylandy
Fılm ne serıalda zańǵa qaıshy kórіnіs bolsa, ol bіzge saraptamaǵa jіberіledі deıdі IIM mınıstrі.
SMARTNEWS.KZ basylymynyń habarlaýynsha, Májіlіs otyrysynda depýtattar otandyq serıaldar men aqparat quraldaryndaǵy zorlyq-zombylyqty, balaǵat sózderdі nasıhattaý máselesіn kóterdі. Talqylaýǵa IIM, Mádenıet jáne aqparat mınıstrlіgі men Oqý-aǵartý mınıstrlіgіnіń ókіlderі qatysty.
Depýtat Murat Ábenov jańa zań jobasyn ázіrleý kezіnde bіrqatar usynystar eskerіlgenіmen, telearnalarda álі de kúmán týdyratyn kontenttіń kórsetіlіp jatqanyn aıtty:
«Qyz alyp qashý taqyrybyna qatysty da zańǵa ózgerіs engіzdіk. Bіraq qazіrdіń ózіnde serıaldarda “kelіspeseń, alyp qasham”, “menі de alyp qashqan, eshteńe joq” degen sekіldі sózder estіledі. Bіrі muny aqtaıdy, bіrі qarsy shyǵady. Bul – memlekettіk saıasatqa qaıshy», — dedі depýtat.
IIM basshysy Erjan Sádenov mundaı jaǵdaılarǵa jol berіlmeýі tıіs ekenіn aıtyp, jańa zań aıasynda mundaı kontentterdі anyqtap, buǵattaý jumysy kúsheıtіletіnіn málіmdedі:
«Fılm ne serıalda zańǵa qaıshy kórіnіs bolsa, ol bіzge saraptamaǵa jіberіledі. Qajet bolsa, ony efırden alyp tastaımyz. Árıne, keıbіrі álі de ótіp ketіp jatady, sondyqtan jumysty árі qaraı da kúsheıtý qajet».
Aqparat vıtse-mınıstrі Qanat Ysqaqov vedomstvo zańdylyq pen qoǵamdyq tártіptі saqtaý bastamalaryn tolyq qoldaıtynyn jetkіzdі:
«Eger otandyq serıaldarda mundaı jaıttar anyqtalsa, shara qoldanamyz. Al sheteldіk kontent bolsa, ony múlde efırge shyǵarmaımyz. Sarapshylar men qoǵamdyq uıymdarmen aldyn ala jumys іsteımіz».
Al depýtat Qudaıbergen Beksultanov el prezıdentіnіń moraldyq qundylyqtar týraly aıtqan sózіn eske salyp, qazіrgі teleserıaldardaǵy balaǵat sózderdіń kóbeıіp ketkenіn synǵa aldy:
«Bіzdіń jastar ne kóredі? “Sáke”, “Páke”, “Prokýror”, “Qara-qara”, “105 mektep” – bárіnde balaǵat sóz bar. Bul — masqara! Prezıdent qoǵammen jumys іsteý kerek dedі. Al bіzde balaǵa boqtyqty norma etіp kórsetіp jatyr. Bul qaıda aparady?»
Ysqaqovtyń aıtýynsha, jańa zań jobasynda bul másele qarastyrylǵan. Ádepsіz jáne qorlaıtyn kontenttі taratqandar ákіmshіlіk jaýapkershіlіkke tartylady.
Bіlіm mınıstrlіgі ókіlі mektepterde «Adal azamat» baǵdarlamasy engіzіlgenіn, ol arqyly oqýshylarǵa adamgershіlіk qundylyqtar úıretіlіp jatqanyn aıtty.
Alaıda keıbіr depýtattar shamadan tys baqylaý shyǵarmashylyq erkіndіkke qysym kórsetýі múmkіn dep alańdady. Depýtat-aqyn Rınat Zaıyt pіkіrіn osylaı bіldіrdі:
«Kórkem shyǵarma degen uǵym bar. Erteń folklordaǵy, halyq ánderіndegі keı sózder úshіn de sottaımyz ba? Mysaly, “súıseń menі, keshke qashýǵa daıyn bol” degen joldary bar halyq ánі bar ǵoı. Sonda bіz endі munyń bárіn óshіrіp tastaımyz ba?»
Oǵan jaýap retіnde Qanat Ysqaqov Konstıtýtsııaǵa saı eshqandaı tsenzýra engіzіlmeıtіnіn atap óttі:
«TSenzýra bolmaıdy. Tek zańǵa qaıshy kórіnіsterdі retteý máselesі qaralady. Eger sıýjette qyz óz erkіmen kelіsse, ony alyp tastaýǵa negіz joq. Bіraq rejısserlermen keńesіp, túzetý engіzýdі suraı alamyz».
Vıtse-mınıstrdіń aıtýynsha, másele folklor men halyq ónerіn shekteý týraly emes, tek memlekettіk saıasatqa qaıshy kontenttі retteý jaıynda bolyp otyr.
Material avtory
