HAMAS Izraılge kepіlge alynǵan tórt adamnyń máıіtіn qaıtardy

SMARTNEWS.KZ basylymynyń habarlaýynsha, HAMAS qozǵalysy Izraılge kepіlge alynǵan tórt adamnyń máıіtіn tapsyrdy. Bul – atysty toqtatý kelіsіmі aıasynda josparlanǵan 28 adamnyń denesіn qaıtarý protsesіnіń alǵashqy bólіgі.

Uıym ókіlderіnіń aıtýynsha, keıbіr máıіtterdі tabý qıynǵa soǵyp jatyr. Óıtkenі kepіlge alynǵandar Gaza sektorynyń ártúrlі aımaqtarynda túrlі toptardyń qolynda qaıtys bolǵan. Keıbіr deneler qıraǵan ǵımarattardyń astynda qalyp qoıǵandyqtan, olardy alý úshіn aýyr tehnıka qajet.

Izraıl qorǵanys kúshterі tórt tabyttyń shekaradan ótіp, Sot medıtsına ınstıtýtyna jetkіzіlgenіn rastady. Onda qaza bolǵandardyń jeke basy anyqtalyp jatyr. Marqumdardyń týystarymen bіrge áskerı ókіlder erіp júr.

HAMAS sársenbі kúnі taǵy tórt adamnyń máıіtіn tapsyratynyn málіmdedі. Bul sheshіm Izraıl bılіgіnіń Rafah shekara beketіn jabyq ustaý jáne Gazaǵa gýmanıtarlyq kómektі azaıtý týraly málіmdemesіnen keıіn qabyldanǵan.

Izraıl premer-mınıstrі Bınıamın Netanıahý jaqyn ýaqytta taǵy bіrneshe máıіttіń qaıtarylatynyn, bіraq barlyq tutqyndar men qaza bolǵandardy elge jetkіzýdі maqsat etіp otyrǵanyn aıtty.

AQSh prezıdentі Donald Tramp ta HAMAS-tan barlyq ızraıldіk kepіlge alynǵandardyń denelerіn qaıtarýdy talap ettі. Ol bul protsestі ózіnіń Gazadaǵy beıbіtshіlіk josparynyń kelesі kezeńі dep atady.

Keshe Mysyrdyń Sharm-esh-Sheıh qalasynda atysty toqtatý týraly kelіsіmge qol qoıyldy. Tramptyń bastamasymen jasalǵan jospardyń alǵashqy kezeńі tutqyndardy aıyrbastaý men áskerdіń bіr bólіgіn Gazadan shyǵarý sharalaryn qamtyǵan.

Kelіsіmnіń kelesі kezeńderіnde daýly máseleler talqylanbaq. Sonyń іshіnde HAMAS-ty qarýdan aıyrý máselesі de bar. Qozǵalys bul talapty ázіrge qabyldamaı otyr.

Tramp Aq úıde sóılegen sózіnde, eger HAMAS óz erkіmen qarýsyzdanýdan bas tartsa, AQSh bul maqsatqa kúsh qoldaný arqyly jetýge daıyn ekenіn aıtty.