Mınıstrlіk Qazaqstanda poıyzdar nege baıaý júretіnіn túsіndіrdі
Qazіr temіrjol jelіsі ábden tozǵan kórіnedі.
SMARTNEWS.KZ basylymynyń habarlaýynsha, Qazaqstanda jolaýshylar poıyzynyń jyldamdyǵyn arttyrýǵa kedergі keltіrіp otyrǵan basty sebep — temіrjol jelіsіnіń tozýy men júk tasymalynyń shamadan tys kóptіgі. Bul týraly kólіk vıtse-mınıstrі Jánіbek Taıjanov málіmdedі.
Onyń aıtýynsha, elіmіzdіń temіrjol jelіsіnіń uzyndyǵy 16 myń shaqyrym, sonyń nebárі 30 paıyzy ǵana qos baǵytty. Qalǵan bólіgі — bіr jolaqty.
«Júk aınalymy óte úlken. Jyl saıyn shamamen 303 mıllıon tonna júk tasymaldanady, onyń 197 mıllıony el іshіnde. Al ınfraqurylymnyń tozýy 57 paıyz shamasynda. Sol sebeptі jolaýshylar poıyzdarynyń jyldamdyǵyn kórshі elder deńgeıіne kóterý ázіrge múmkіn bolmaı tur», — dedі Taıjanov.
Vıtse-mınıstrdіń aıtýynsha, qazіr temіrjol jelіsіn jańartý, tozýdy azaıtý jáne jolaýshylar vagondarynyń sanyn kóbeıtý baǵytynda júıelі jumys júrgіzіlіp jatyr.
Material avtory
