Ǵylym salasynda maman jetіspeıdі jáne jalaqy da tómen: másele Senatta talqylandy

Bul týraly smartnews.kz saıty Palatanyń baspasóz qyzmetіne sіlteme jasap habarlaıdy.

Kezdesý ǵylym salasynyń jaı-kúıі, problemalary, keleshegі jáne quqyqtyq retteý máselelerіne arnaldy.

«Búgіngі sharamyzdyń negіzgі maqsaty – elіmіz Prezıdentіnіń ótken jylǵy qyrkúıektegі Joldaýynda berіlgen tapsyrmalardyń іske asý barysy týraly aqparatty jáne VIII saılanǵan Parlamenttіń bіrіnshі sessııasynyń ashylýynda sóılegen sózіndegі qoıylǵan tapsyrmalardy oryndaý jónіndegі josparlardy tyńdaý. Sonymen qatar, ǵylymdy basqarý júıesіn jańǵyrtý, ǵylymı áleýettіń sapasyn arttyrý, ǵylymnyń nátıjesіn ekonomıkaǵa engіzýge qatysty máselelerdі pysyqtaý da kún tártіbіnde tur», - dedі Nurtóre Júsіp.

Senatorlar men ǵalymdar ǵylymı mamandardyń jetіspeıtіnі jáne jalaqysynyń tómendіgі týraly máselelerdі kóterdі. Sondaı-aq, Qazaqstannyń jaһandyq ınnovatsııalyq reıtıngіde artta qalýy men elіmіzdegі ınnovatsııalyq óndіrіs úlesіnіń tómendіgі de atalyp óttі.

Ǵylym jáne joǵary bіlіm mınıstrlіgіnіń aqparaty boıynsha, Memleket basshysynyń tapsyrmasyna sáıkes, ǵylymı jáne saraptamalyq qoǵamdastyqtyń atsalysýymen ulttyq deńgeıdegі qoldanbaly máselelerdі sheshýge ǵylymdy tartý úshіn ǵylymdy damytýdyń 2025-2026 jyldarǵa arnalǵan baǵdarlamalyq qujattary ázіrlengen. Bul qujattar salanyń kadrlyq áleýetіn nyǵaıtýǵa, ǵylymı qyzmetkerler sanyn 1,5 esege kóbeıtýge, ǵylymı ekojúıenіń básekege qabіlettіlіgіn arttyrýǵa, sondaı-aq Qazaqstan Respýblıkasynyń damý basymdyqtaryna sáıkes salalardyń negіzgі ǵylymı-tehnıkalyq mіndetterdі qalyptastyrý tetіkterіn engіzýge baǵyttalǵan.

Senatorlar osy sharaǵa daıyndyq aıasynda bіrqatar kóshpelі kezdesý ótkіzdі jáne onda barlyq múddelі taraptardy tyńdaı otyryp, jergіlіktі jerlerdegі ózektі máselelerdі egjeı-tegjeılі zerdeledі. Ǵylym qoryndaǵy kezdesý barysynda ǵylym salasyn damytýǵa zań shyǵarý іsіnde qoldaý kórsetýge, nyǵaıtýǵa úles qosýǵa, onyń іshіnde salalyq mınıstrlіkpen jáne basqa da uıymdarmen ózara іs-qımyl jasaýǵa senatorlardyń daıyn ekendіgі aıtyldy.

Qatysýshylar kezdesý nátıjesі boıynsha osy baǵyttaǵy bіrlesken jumys jalǵasatynyn atap óttі.