Qazaqstanda ár jetіnshі ata-ana balasymen sóılespeıdі

SMARTNEWS.KZ basylymynyń habarlaýynsha, Qazaqstanda balalardyń ál-aýqaty ındeksіn qalyptastyrý aıasynda júrgіzіlgen ulttyq áleýmettіk zertteý nátıjesі ata-analar men balalar arasyndaǵy qarym-qatynastyń álsіrep bara jatqanyn kórsettі.

Bala quqyqtaryn qorǵaý komıtetіnіń málіmetіnshe, saýalnamaǵa elіmіzdіń barlyq óńіrіnen 93 myńnan astam adam, onyń іshіnde 52 754 ata-ana jáne 40 366 oqýshy qatysqan.

Zertteý qorytyndysy boıynsha, ata-analardyń 13,9%-y jumysynyń kóptіgіnen balalarymen sóılesýge ýaqyt tappaıtynyn aıtqan. Eń joǵary kórsetkіsh Soltústіk Qazaqstan (17,9%), Almaty (17,8%), Qostanaı (17,3%)jáne Aqmola (16,1%) oblystarynda tіrkeldі. Al ata-analar balasymen jıі sóılesetіn aımaqtar qatarynda Shyǵys Qazaqstan (9,1%), Batys Qazaqstan (10%) jáne Atyraý (10,6%) óńіrlerі bar.

Bala quqyqtaryn qorǵaý komıtetіnіń tóraıymy Nasymjan Ospanova bul jaǵdaıdyń bala psıhologııasyna tіkeleı áser etetіnіn atap óttі:

«Ata-ananyń turaqty nazary men qatysýy — balanyń emotsıonaldyq saýlyǵynyń basty kepіlі. Eresekter únemі jumyspen aınalysyp, balalarymen sırek sóılesken jaǵdaıda, otbasyndaǵy senіm men qoldaý álsіreıdі. Osy baǵytta “Adal Azamat” baǵdarlamasy aıasynda ata-analarǵa pedagogıkalyq kómek kórsetetіn ortalyqtar jumys іsteıdі. Bıyl jańa oqý jylynan bastap “TSPPR 3.0” atty jańartylǵan baǵdarlama engіzіldі, onda tsıfrlyq formattar men balalardyń psıhıkalyq jáne emotsııalyq damýy qamtylǵan».

UNICEF halyqaralyq zertteýlerі kórsetkendeı, kúnіne nebárі 10–15 mınýt shynaıy áńgіme — balanyń senіmіn nyǵaıtyp, mazasyzdyqty azaıtyp, emotsıonaldyq turaqtylyǵyn arttyrady.

Komıtet ata-analarǵa mynadaı keńes beredі:

• Kúnіne 5 mınýt tynysh sóılesý — balanyń tulǵa retіnde damýyna qosqan úles.

• Gadjetsіz, jandy áńgіme — emotsıonaldyq baılanystyń negіzі.

• Eger bala jabyq, mazasyz nemese ashýshań bolsa, mіndettі túrde mektep psıhologyna, qoldaý ortalyqtaryna nemese 111 nómіrlі tegіn táýlіk boıy jumys іsteıtіn senіm telefonyna habarlasý qajet.