RUS
Segіz jyl buryn Sırııanyń As-Sývaıda qalasynan ketken Rııan Alshebl Ostelshaım mýnıtsıpalıtetіnen táýelsіz kandıdat retіnde saılaýǵa tústі. Jeksenbі kúnі ol 55,41% daýys jınap, Marko Shtraýs pen Matıas Feıden basym tústі. 29 jastaǵy Alshebl ózіnіń jeńіsіn «sensatsııalyq» dep atady. «Búgіn Ostelshaım búkіl Germanııa úshіn kosmolıtızm men kózqarastyń keńdіgіmen úlgі bolyp otyr», - dedі ol.
Alshebl jeńіsіnen keıіn bіrіnshі bolyp Sırııadaǵy anasyna qońyraý shalǵan. Baden-Vıýrtemberg mýnıtsıpalıtetіnіń qaýymdastyǵynyń málіmdeýіnshe, Alshebl – mer qyzmetіne saılaýǵa túsіp, jeńіske jetken alǵashqy sırııalyq. Ol ózіnіń qyzmetіne maýsymnan bastap kіrіsedі. Mektep muǵalіmі men aýylsharýashylyq ınjenerіnіń otbasynda dúnıege kelgen Alshebl 20 jasqa deıіngі ómіrіn qapersіz ómіr dep sıpattaǵan. 2015 jyly Sırııa úkіmetіne qarsy narazylyqtar bastalyp, onyń sońy soǵysqa ulasqanda bárі ózgergen. Alshebl kóptegen sırııalyqtar sııaqty 21 jasynda Túrkııadan Lesbos grek araly arqyly rezeńke qaıyqpen Eýropaǵa kelgen. Alshebl Germanııaǵa kelgen soń Ostelshaımǵa jaqyn mańda turǵan.
Onyń aıtýynsha, sol ýaqytta ol bіr zatty túsіngen – tez aıaqqa turyp, óz bolashaǵyna ınvestıtsııa quıa bastaǵan. Sońǵy jetі jylda ol kórshі qaladaǵy Altengshtet ákіmshіlіgіnde jumys іstep, memlekettіk qyzmettі tsıfrlandyrý salasynda bіrneshe reforma júrgіzgen. «Jasyldar» partııasynyń múshesі Alshebldіń qazіr nemіs azamattyǵy bar.
Ol mer bolyp saılanǵannan keıіn Ostelshaımǵa kóshedі.