Qaraǵandyda kúdіk týdyrǵan shetel azamattary ustaldy
Polıtseıler esіrtkі satýmen aınalysqan ekі adamdy qolǵa túsіrdі.
SMARTNEWS.KZ basylymynyń habarlaýynsha, Qaraǵandyda sıntetıkalyq esіrtkіnі «jasyryn taratýmen» aınalysqan ekі shetel azamaty ustaldy. Arnaıy operatsııa esіrtkі aınalymyna qarsy respýblıkalyq «Qarasora–2025» sharasy aıasynda júrgіzіlgen.
Polıtsııa málіmetіnshe, qala kóshelerіnіń bіrіnde 29 jáne 39 jastaǵy ekі er adam ustalǵan. Ekeýі de ózge eldіń azamattary jáne sıntetıkalyq zattardy «qaltashalar» arqyly satqan degen kúdіkke іlіngen.
Tіntý kezіnde olardyń bіrіnen 22 orama esіrtkіge uqsas A-PVP zaty tabyldy. Ekіnshі kúdіktіden jasyryn jetkіzýdі úılestіrýge arnalǵan uıaly telefon tárkіlengen. Keıіn polıtsııa kórsetіlgen mekenjaılardy tekserіp, taǵy 16 orama dál osyndaı zatty tapqan.
«Kúdіktіlerdіń turǵylyqty jerіn tіntý barysynda aldyn ala mefedron dep anyqtalǵan 0,5 gramm esіrtkі tabyldy», — dep habarlady oblystyq polıtsııa departamentі.
Ustalǵandar óz kіnásіn moıyndap, esіrtkіnі jasyryn oryndarǵa qaldyrý arqyly taratqanyn aıtqan. Barlyq tabylǵan zattar saraptamaǵa jіberіldі.
Qazіr kúdіktіlerge qatysty qylmystyq іs qozǵaldy. Olar ýaqytsha ustaý ızolıatoryna qamaldy.
Material avtory
