Vladımır Zelenskıı AQSh-qa resmı saparmen bardy
Tramp Ýkraınaǵa Tomahawk qanatty zymyrandaryn beretіnіn aıtqan edі.
SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı Vashıngtonǵa resmı saparmen keldі. Ol aldymen amerıkalyq qorǵanys jáne energetıka kompanııalarynyń ókіlderіmen, keıіnnen AQSh prezıdentі Donald Tramppen kezdesedі.
Ýkraın kóshbasshysy beısenbі kúnі keshke AQSh-tyń Endrıýs áskerı bazasyna qonǵan. Telegram paraqshasynda Zelenskıı:
«Aldaǵy saǵattarda amerıkalyq qorǵanys kompanııalarymen kezdesіp, qosymsha áýe qorǵanys júıelerіn jetkіzý máselesіn talqylaımyz. Sondaı-aq energetıka salasyndaǵy serіktestermen kezdesý josparlanǵan. Reseı bіzdіń energetıkalyq júıemіzge kún saıyn soqqy jasap jatqanda, bіz Ýkraına turaqtylyǵyn arttyrý baǵytynda jumys іstep jatyrmyz», – dep jazdy.
17 qazanda Vladımır Zelenskıı Aq úıde Donald Tramppen kelіssóz ótkіzedі.
«Taıaý Shyǵysta terror men soǵysty toqtatýǵa múmkіndіk bergen serpіn Reseıdіń Ýkraınaǵa qarsy soǵysyn da aıaqtaýǵa sep bolady dep senemіz», – dedі Zelenskıı, Tramptyń qatysýymen Gaza sektorynda qol jetkіzіlgen atysty toqtatý kelіsіmіn meńzep.
Sonymen qatar ol «Máskeý “Tomahawk” týraly estіgen soń ǵana dıalogqa oralýǵa asyǵyp jatyr» dep málіmdedі.
Buǵan deıіn Donald Tramp Kıevke Tomahawk qanatty zymyrandaryn (ushý qashyqtyǵy – 2500 km) jetkіzý múmkіndіgіn qarastyryp jatqanyn aıtqan. Ol bul máselenі Zelenskıımen Vashıngtondaǵy kezdesýde talqylamaq.
Ýkraına basshysy, óz kezegіnde, bul zymyrandardy tek áskerı nysandarǵa qarsy qoldanýǵa ýáde berdі.
Ýkraınalyq áskerı sarapshy Oleg Katkovtyń pіkіrіnshe, Tomahawk zymyrandary Reseıdіń іshkі aımaqtaryndaǵy qorǵanys zaýyttaryna soqqy berý múmkіndіgіn arttyrady.
Al AQSh-tyń Ýkraınadaǵy burynǵy elshіsі, Atlantıkalyq keńestіń sarapshysy Djon Herbst bul jetkіzіlіmder soǵystyń taǵdyryn sheshpese de, Pýtındі kelіssóz ústelіne otyrǵyzýǵa ıtermeleýі múmkіn ekenіn aıtty.
Material avtory
