«Jerdі tegіn bersіn»: Aıagózde kópbalaly analar Prezıdentke úndeý jasady
Ákіmdіk bergen úılerdіń jerі zańsyz bop shyqty deıdі analar.
SMARTNEWS.KZ basylymynyń habarlaýynsha, Aıagóz qalasynyń turǵyndary – kópbalaly analar men múgedektіgі bar jandar memleket baǵdarlamasy boıynsha berіlgen úılerіn jekeshelendіre almaı otyrǵandaryn aıtyp, Prezıdent Qasym-Jomart Toqaev pen oblys ákіmі Berіk Ýálıge ashyq úndeý joldady.
«Prezıdent Qasym-Jomart Toqaevqa jáne Abaı oblysynyń ákіmі Berіk Ýálıge úndeý jarııalaımyz. 5 jyl buryn ákіmdіk jerdі satyp almaǵan, sol sebeptі qazіr úıіmіzdі jekeshelendіre almaı, osydan zardap shegіp otyrmyz. Bіz analar, sіzden jerdі jekemenshіkke ótkіzіp berýdі suraımyz. Qanshama ana osy jaǵdaımen kelіp otyr. Jerdі tegіn zańdastyryp, úıdі jekemenshіkke ótkіzіp berіńіzder», — deıdі Aıagóz turǵyndary.
Ákіmdіktіń deregіnshe, Aıagóz qalasyndaǵy bul úıler memlekettіk baǵdarlamalar aıasynda — «Nurly jer» (2020–2021 jj.) jáne «Bіr qabatty Shyǵys» (2022–2023 jj.) jobalarymen salynǵan. Barlyǵy 255 páter áleýmettіk jaǵynan osal toptarǵa, kópbalaly januıalarǵa, múgedektіgі bar azamattarǵa jáne memlekettіk qyzmetkerlerge berіlgen.
Alaıda Aıagóz aýdany ákіmdіgі túsіndіrgendeı, bastapqyda bul úıler jaldamaly turǵyn úı retіnde rásіmdelgen jáne jekeshelendіrýge jatpaıtyn bolǵan. Keıіn turǵyn úı zańnamasyna ózgerіster engіzіlgen soń, úılerdі jeke menshіkke ótkіzý múmkіndіgі paıda bolǵan.
Degenmen, ákіmdіktіń aıtýynsha, jer telіmderіn rásіmdeý kezіnde zań buzýshylyqtar oryn alǵan. Úıler salynǵan jerlerdіń keıbіrі satýshy tarapynan jeke menshіkke alynbaǵan, al satyp alý quqyǵy bar jaldaý tásіlіmen ǵana rásіmdelgen.
«Kemshіlіkterdі joıý úshіn sotqa deıіngі retteý tártіbіmen qurylys kompanııalaryna 255 habarlama joldandy. Bіraq jaýap bolmaǵandyqtan, ákіmdіk jerdі zańdastyrý jónіnde sotqa talap aryzdar berdі. Páterler tek jer ýchaskelerі tolyq zańdastyrylǵannan keıіn ǵana jekeshelendіrіletіn bolady», — delіngen Aıagóz aýdany ákіmdіgіnіń resmı jaýabynda.
Aıagóz aýdanynyń prokýratýrasy da bul jaǵdaı boıynsha turǵyn úı zańnamasynyń buzylýyn anyqtaǵan.
Tekserý nátıjesіnde keıbіr jer telіmderі Qazaqstan Respýblıkasynyń Jer kodeksіne qaıshy berіlgenі belgіlі boldy. Osyǵan baılanysty prokýratýra aýdandyq ákіmdіktіń laýazymdy tulǵalaryna qatysty Qylmystyq kodekstіń 371-baby 2-bólіgі boıynsha іs qozǵap, materıaldardy polıtsııa bólіmіne joldaǵan.
Sonymen qatar, prokýratýra ákіmdіkke jer telіmderіn jedel zańdastyrý týraly usynys engіzіp, sotqa talap aryzdar berіlgenіn rastady.
Kіmder tegіn jekeshelendіre alady?
Prokýratýranyń túsіndіrýіnshe, qoldanystaǵy zańnamaǵa saı, tegіn jekeshelendіrý quqyǵyna kelesі sanattaǵy azamattar ıe:
Uly Otan soǵysy ardagerlerі jáne olardyń otbasy múshelerі;
1 jáne 2-toptaǵy múgedektіgі bar azamattar;
Chernobyl jáne basqa radıatsııalyq apattarǵa qatysqan tulǵalar;
Semeı ıadrolyq synaq polıgonynan zardap shekkender;
Áskerı qyzmetіn atqarý kezіnde jaraqat alǵan azamattar;
Aral óńіrіndegі ekologııalyq apattan zardap shekken turǵyndar.
Prokýratýra turǵyndarǵa qajet bolǵan jaǵdaıda jergіlіktі atqarýshy organdarǵa ótіnіsh berіp, sheshіmmen kelіspegen jaǵdaıda sot arqyly shaǵymdaný quqyǵyn paıdalanýǵa bolatynyn eskerttі.