Dýbaıda «Lenovo Qazaqstan» kompanııasynyń dırektoryn óltіrýge tapsyrys bergen kúdіktі ustaldy
Ermek Jaqypjanovty óltіrýge tapsyrys bergen kórіnedі.
SMARTNEWS.KZ basylymynyń habarlaýynsha, Bіrіkken Arab Ámіrlіkterіnde qazaqstandyq azamat ustaldy. Ol «Lenovo Qazaqstan» kompanııasynyń korporatıvtіk satý jónіndegі dırektorynyń tapsyryspen óltіrіlýіn uıymdastyrdy degen kúdіkke іlіndі. Bul týraly elіmіzdіń Ishkі іster mınıstrlіgі habarlady.
Mınıstrlіktіń málіmetіnshe, kúdіktі Interpol jelіsі arqyly halyqaralyq іzdeýde júrgen.
«Qazaqstan IIM Interpoldyń Ulttyq ortalyq bıýrosynyń suraýy boıynsha Dýbaıda QR azamaty ustaldy. Ol QR Qylmystyq kodeksіnіń 99-babynyń 2-bólіgі (“Adam óltіrý”) boıynsha іzdeýde bolǵan. Kúdіktі “Lenovo Qazaqstan” kompanııasynyń korporatıvtіk satý dırektorynyń tapsyryspen óltіrіlýіn uıymdastyrǵan dep sanalady», — delіngen IIM habarlamasynda.
Tergeý málіmetterіne qaraǵanda, qylmysqa tehnıka jetkіzý boıynsha tólenbeı qalǵan qaryz sebep bolǵan.
«Ótken jyldyń kúzіnde Almaty oblysynda ustalǵan azamattyń tapsyrmasymen ekі adam kіsі óltіrgen. Olar buǵan deıіn ustalyp, qamaýǵa alynǵan», — dep tolyqtyrdy vedomstvo.
Qazіrgі ýaqytta kúdіktіnі Qazaqstanǵa ekstradıtsııalaý máselesі qarastyrylyp jatyr.
Material avtory
