Shynaıy hronıka: Kazinform-nyń 105 jyldyǵyna arnalǵan kіtaptar MNU-ǵa syıǵa tartyldy
Maqsut Narikbayev University-ge «Kazinform. Shynaıy hronıka» kіtabynyń 40 danasy syıǵa tartyldy. Kіtap berý ýnıversıtet pen Kazinform Halyqaralyq aqparat agenttіgі basshylyǵynyń kezdesýі barysynda óttі.
Qazaqstan Respýblıkasy Prezıdentіnіń Teleradıokeshenі qurylymyna kіretіn Kazinform halyqaralyq mártebe alǵan alǵashqy memlekettіk aqparat agenttіgі retіnde tanymal. Agenttіk 105 jyl boıy saıasat, ekonomıka, bіlіm, densaýlyq saqtaý, sport, mádenıet jáne qoǵam ómіrіnіń basqa da mańyzdy salalary týraly senіmdі jáne ýaqytyly aqparat taratyp keledі. Kazinform materıaldary bes tіlde, sondaı-aq latyn grafıkasy men Tóte jazýda qoljetіmdі.
Kezdesý barysynda MNU Provosty Anar Ibraeva Kazinform redaktsııasyn mereıtoıymen quttyqtap, QR Prezıdentіnіń Teleradıokeshenі basshylyǵyna jemіstі yntymaqtastyq úshіn alǵys bіldіrdі. Aıta keteıіk, 2023 jyly MNU-da Teleradıokeshenmen bіrlese Halyqaralyq jýrnalıstıka mektebі ashyldy. Mektep dekany Aıgúl Jamalova stýdentterdіń óndіrіstіk praktıkadan ótý, jumysqa ornalasýy jáne jetekshі otandyq jáne álemdіk jýrnalısterden tájіrıbe alýy úshіn serіktesterdіń qoljetіmdі keń múmkіndіkterіn atap óttі.
Sonymen qatar Kazinform Basqarýshy dırektory Naǵashybek Aldan mereıtoılyq kіtap boıynsha júrgіzіlgen aýqymdy jumystar týraly aıtyp berdі. Basylymda túsіnіktі tіlde halyqaralyq aqparat agenttіgіnіń jańalyqtar ázіrleý ustahanysynyń syrlary jáne kásіbı qupııalary týraly baıandalady. Naǵashybek Aldan basylymnyń bolashaq jýrnalıster úshіn paıdaly oqý quraly bolatynyna senіm bіldіrdі.
Aıta keteıіk, «Kazinform. Shynaıy hronıka» kіtaby ýnıversıtet kіtaphanasynda oqyrmandar úshіn qoljetіmdі.