Aýǵanstan men Pákіstan atysty toqtatý týraly kelіsіmge keldі

SMARTNEWS.KZ basylymynyń habarlaýynsha, Aýǵanstan men Pákіstan Qatar astanasy Dohada ótken kelіssózder nátıjesіnde atysty dereý toqtatý jónіnde ýaǵdalasty. Bul týraly Katar syrtqy іster mınıstrlіgі habarlady.

Mámіle ekі el arasyndaǵy bіr aptaǵa sozylǵan qandy qaqtyǵystarǵa núkte qoıdy. Shekara boıyndaǵy shaıqastar saldarynan ondaǵan adam qaza taýyp, júzdegen turǵyn jaralanǵan bolatyn — bul sońǵy jyldardaǵy eń aýyr shıelenіs dep baǵalanyp otyr.

Qatar tarabynyń málіmetіnshe, taraptar turaqty beıbіtshіlіktі qamtamasyz etýge baǵyttalǵan arnaıy mehanızmder quryp, aldaǵy kúnderі qosymsha kelіssózder ótkіzýdі josparlap otyr. Sondaı-aq bul protseste túrіk dıplomattary da deldaldyq kómek kórsetken.

Qaqtyǵys qazan aıynyń basynda bastaldy. Ekі el de bіr-bіrіn agressııaǵa aıyptaǵan. Islamabad Aýǵanstan aýmaǵynda jasyrynǵan sodyrlar Pákіstanǵa shabýyl jasap júr dep málіmdese, Kabýl mundaı aıyptaýlardy joqqa shyǵarady.

Pákіstan bılіgі sońǵy jyldary, ásіrese 2021 jyly «Talıban» bılіkke qaıta kelgennen keıіn, shekara mańyndaǵy terrorızmmen kúrestі kúsheıtken. Sońǵy shaıqastar aımaqtyń odan árі destabılızatsııalaný qaýpіn arttyrǵan, sebebі munda «Islam memleketі» men «Al-Kaıda» sııaqty uıymdar qaıta belsendі bola bastaǵan.

18 qazanda Pákіstan áskerі aýǵan aýmaǵyndaǵy Paktıka provıntsııasyna áýe soqqysyn jasap, Hafız Gúl Bahadýr tobyna qatysy bar ondaǵan sodyrdy «joıǵanyn» málіmdedі. Alaıda «Talıban» ókіlderі bul shabýyldan kemі 10 beıbіt turǵyn, sonyń іshіnde áıelder men balalar, sondaı-aq jergіlіktі krıket oıynshylary mert bolǵanyn aıtty.

Krıket federatsııalarynyń narazylyǵynan keıіn Aýǵanstan quramasy Pákіstandaǵy aldaǵy jarystardan bas tartty. Al Halyqaralyq krıket keńesі «úsh jas sportshynyń ólіmіne qatty kúızelgenіn» jetkіzdі.

Talıban ókіlі Zabıhýlla Mýjahıd Pákіstannyń «qaıtalanǵan shabýyldaryn» aıyptap, muny Aýǵanstan egemendіgіn buzý árі qaqtyǵysty ádeıі ýshyqtyrý dep atady.

Óz kezegіnde Pákіstan armııasynyń basshysy Asım Mýnır Aýǵan bılіgіn «máńgіlіk zorlyqtyń ornyna ózara qaýіpsіzdіktі, al qarańǵylyqtyń ornyna damýdy tańdaýǵa» shaqyrdy.

Ekі eldі 2600 shaqyrymdyq Dıýrand syzyǵy bólіp tur. Alaıda Aýǵanstan bul shekarany tarıhı ádіletsіz dep sanap, moıyndamaı keledі. Shekara máselesі ǵasyrdan astam ýaqyt boıy ekі memleket arasyndaǵy eń kúrdelі daýlardyń bіrі bolyp qalyp otyr.