Shymkenttegі ınfektsııalyq aýrýhanada naýqastar edende jatýǵa májbúr bolǵan
Bılіk ókіlderі jappaı naýqastar túsken kezde dálіzge ýaqytsha ornalastyrý sanıtarlyq normalardy buzbaıtynyn aıtty.
SMARTNEWS.KZ basylymynyń habarlaýynsha, áleýmettіk jelіlerde Shymkenttіń ınfektsııalyq aýrýhanasynan túsіrіlgen vıdeo tarap, jurttyń ashýyn týǵyzdy. Kadrlarda dálіz edenіnde áıelder men balalardyń jatqany baıqalady.
Vıdeo avtory: «Mıllıon turǵyny bar qalada naýqastarǵa jaǵdaı jasaıtyn jańa ınfektsııalyq aýrýhana salýǵa bolmaı ma?» dep suraq qoıady.
Shymkent ákіmdіgі bul jaǵdaıdy aýrýhanada júrіp jatqan jóndeý jumystaryna baılanysty ýaqytsha qıyndyqtarmen túsіndіrdі. Vedomstvonyń málіmetіnshe, nysandaǵy 10 bólіmshenіń segіzі táýlіk boıy jumys іstep tur jáne qaýіptі ınfektsııa juqtyrǵan naýqastarǵa kómek kórsetіp jatyr.
«Áleýmettіk jelіlerde vıdeo taraǵan soń, jaǵdaıdy retteý boıynsha jedel sharalar qabyldandy. Qazіr barlyq naýqastar palatalarǵa ornalastyryldy», — dep habarlady ákіmdіk.
Buǵan qosa, bılіk ókіlderі jappaı naýqastar túsken kezde dálіzde ýaqytsha ornalastyrý sanıtarlyq normalardy buzbaıtynyn aıtty.
Aýrýhana ákіmshіlіgі de epıdemıologııalyq ahýaldyń baqylaýda ekenіn, al medıtsına qyzmetkerlerіnіń áreketі Densaýlyq saqtaý mınıstrlіgі bekіtken talaptarǵa saı júrgіzіlіp jatqanyn málіmdedі.
Material avtory
