Depýtat 2 mlrd teńgeden astam qarjyny jymqyrdy degen kúdіkke іlіndі
Urlanǵan aqshaǵa elıtalyq úıler, Lamborghini Urus, Cadillac Escalade, Mercedes markaly kólіkter, asyl tuqymdy jylqylar satyp alynǵan.
SMARTNEWS.KZ basylymynyń habarlaýynsha, Shyǵys Qazaqstan oblysy boıynsha Qarjylyq monıtorıng agenttіgі «QazConstructions» jaýapkershіlіgі shekteýlі serіktestіgіnіń basshylyǵyna qatysty sotqa deıіngі tergeý júrgіzіp jatyr. Tergeý málіmetіnshe, kompanııa memlekettіk qarajatty jymqyrǵan.
Atalǵan qarjy Shyǵys Qazaqstan jáne Abaı oblystaryndaǵy jetі aýdanǵa qarasty 11 áleýmettіk nysannyń qurylysyna bólіngen. Alaıda, josparlanǵan nysandardyń bіrqatary paıdalanýǵa berіlmegen. Kúdіktіlerdіń qatarynda atalǵan serіktestіktіń burynǵy dırektorynyń orynbasary bar — ol Qurchum aýdandyq máslıhatynyń depýtaty bolyp shyqqan.
«Jobalar aımaq turǵyndarynyń ómіr sapasyn arttyryp, demalys pen sportqa qolaıly jaǵdaı jasaýǵa baǵyttalǵan bolatyn. Bіraq kúdіktіlerdіń zańsyz áreketterі saldarynan tórt sporttyq-saýyqtyrý keshenі men jetі aýylǵa arnalǵan sý qubyry jelіlerі іske qosylmaǵan. Bul eldі mekenderde 20 myńnan astam adam turady», — delіngen resmı habarlamada.
Tergeý deregіnshe, urlanǵan qarajat affılıırlengen kompanııalar arqyly qolma-qol aqshaǵa aınaldyrylǵan. Bul qarjyǵa Astanadaǵy elıtaly turǵyn úı keshenderіnen páterler, sondaı-aq Lamborghini Urus, Cadillac Escalade, Mercedes markaly kólіkter men asyl tuqymdy jylqylar satyp alynǵan.
Sot sanktsııasymen barlyq múlіkke tyıym salyndy. Ekі kúdіktіge qatysty ekі aı merzіmge qamaýda ustaý túrіndegі bultartpaý sharasy qoldanyldy.
Qazіr tergeý jalǵasýda. Qylmystyq іs boıynsha ózge málіmetter Qylmystyq-protsestіk kodekstіń 201-babyna sáıkes jarııalanýǵa jatpaıdy.
Material avtory
