Lývr tonaldy: Makron urlanǵan jádіgerlerdі tabýǵa ýáde berdі

SMARTNEWS.KZ basylymynyń habarlaýynsha, Frantsııanyń áıgіlі Lývr murajaıynda urylar nebárі jetі mınýttyń іshіnde frantsýz tájіnіń toǵyz zergerlіk buıymyn qoldy ettі. Oqıǵa keshe tańerteń bolǵan.

Frantsııa prezıdentі Emmanýel Makron bul oqıǵany «eldіń tarıhy men murasyna jasalǵan soqqy» dep atap, urlanǵan relıkvııalar mіndettі túrde qaıtarylyp, kіnálіler jazalanatynyn aıtty.

Parıj prokýratýrasynyń málіmetіnshe, tórt adamnan turatyn top tańǵy saǵat 9:30 shamasynda Galereıa Appolon zalyna kіrіp, onda saqtalǵan baǵaly áshekeılerdі alyp ketken. Urylar avtokótergіsh arqyly terezeden ótіp, áınektі syndyryp kіrgen. Bolgarkamen qorǵanysh qoraptaryn buzyp, asa qundy toǵyz buıymdy alyp shyqqan.

Olar oqıǵa ornynan skýtermen qashyp ketken. Keıіnіrek Lývr mańynan bіr zat — Napoleon III-nіń jary ımperatrıtsa Evgenııanyń tájіnіń búlіngen bólіgі tabylǵan.

Urlanǵan buıymdardyń qatarynda koroleva Marııa-Amelııa men koroleva Gortenzııaǵa tıesіlі sapfırlі alqa, sondaı-aq 2 000-ǵa jýyq brıllıanty bar ımperatrıtsa Evgenııanyń táji, ekі brosh jáne sándіk belbeý bar.

Qazіr tergeý júrіp jatyr. Iske Frantsııanyń Ishkі іster mınıstrі Loran Nýnes tіkeleı baqylaý jasaýda. Onyń aıtýynsha, bul — kásіbı deńgeıde uıymdastyrylǵan qylmys, al kúdіktіlerdіń sheteldіk bolýy da múmkіn.

Parıj prokýrory Lor Bekko urlyqty «jaqsy uıymdastyrylǵan qylmystyq top» jasaǵanyn málіmdedі. Tergeýge Izraıldіń CGI Group qaýіpsіzdіk kompanııasy da tartyldy — dál osy kompanııa 2019 jyly Drezden murajaıyndaǵy 100 mıllıon eýro turatyn urlyq іsіn ashýǵa kómektesken.

Burynǵy Frantsııa prezıdentі Fransýa Olland muny «frantsýz mádenıetіne jasalǵan aýyr soqqy» dep atady jáne sońǵy aptalarda eldegі mýzeılerge baǵyttalǵan qylmystardyń jıіlegenіn aıtty. Ol tіptі «eldі turaqsyzdandyrýǵa baǵyttalǵan sheteldіk áreket» bolýy múmkіn degen pіkіr bіldіrdі.

Mádenıet qyzmetkerlerіnіń kásіpodaǵy da qaýіpsіzdіk júıesіndegі olqylyqtarǵa nazar aýdardy:

«Qyzmetkerler talaı ret eskertken, bіraq bılіk tyńdamady», — delіngen olardyń málіmdemesіnde.

Al saıasatkerler arasynda da syn kóbeıdі. Ońshyl partııalardyń ókіlderі úkіmettі «salǵyrttyq tanytty» dep aıyptap, murajaılar men tarıhı nysandardyń qaýіpsіzdіgіn kúsheıtýdі talap ettі.

Qazіr Lývr ýaqytsha jabyq, al frantsýz mádenıetіnіń eń ataqty jádіgerlerіn іzdeý jalǵasyp jatyr.