Bіrіnshі dárejelі qylmys: AQSh-ta іrі kólemdegі kokaın іsі boıynsha ekі qazaq jіgіtі ustaldy
Júk kólіgіnde Nursultan Muqtarálі men Muhıt Danıbekov bolǵan.
SMARTNEWS.KZ basylymynyń habarlaýynsha, AQSh-ta ekі qazaqstandyq azamat іrі kólemdegі esіrtkі іsі boıynsha qamaýǵa alyndy. Bul týraly Chembers okrýgіnіń sherıf ofısі Facebook paraqshasynda habarlady.
Vedomstvonyń málіmetіnshe, 27 qyrkúıekte arnaıy tergeý bólіmі DEA esіrtkіmen kúres basqarmasymen bіrlesіp, I-10 trassasynda tasymalyn toqtatyp, onyń qurylymynan 35 kelі kokaın tapqan.
Oqıǵa ornynda júk kólіgіnіń júrgіzýshіsі – Nursultan Muqtarálі (Nıý-Iork) jáne jolaýshysy – Muhıt Danıbekov (Pensılvanııa) ustaldy. Ekeýіne de erekshe іrі kólemde esіrtkі saqtaý baby boıynsha bіrіnshі dárejelі qylmys aıyby taǵylǵan. Qazіr olar Chembers okrýgіnіń túrmesіne qamaldy, árqaısysyna 200 myń dollar kólemіnde kepіl mólsherі belgіlengen.
Ustalǵandardyń bіrі Muhıt Danıbekovtyń aǵasy Jomart Danıbekov áleýmettіk jelіde vıdeoúndeý jarııalap, baýyry men onyń árіptesіn kіnásіz dep málіmdedі. Onyń aıtýynsha, er adamdar júk kólіgіnіń júrgіzýshіsі bolyp jumys іsteıdі, sol kúnі tek avtokólіkter tasymaldaýmen aınalysqan, al olardyń bіrіnіń іshіnde esіrtkі bar ekenіn bіlmegen.
«Menіń іnіmnіń úsh qyzy bar, al jubaıy aýyr naýqas. Qazіr bіz qorǵaý men kepіl aqshasyn tóleý úshіn qarajat jınap jatyrmyz», — dep jazdy ol.
Oqıǵaǵa qatysty Qazaqstannyń Syrtqy іster mınıstrlіgі ázіrge resmı jaýap bergen joq.
Material avtory
