Qazaqstan qoımalarynda áleýmettіk azyq-túlіkter shіrіp kettі

SMARTNEWS.KZ basylymynyń habarlaýynsha, baǵany turaqtandyrýǵa bólіngen qyrýar qarjy tıіmdі jumsalmaǵan, keı jaǵdaıda zań buzýshylyqtar da anyqtalǵan. Mundaı qorytyndyny Básekelestіktі qorǵaý jáne damytý agenttіgі (BQDA) jarııalady.

Áleýmettіk mańyzy bar azyq-túlіk naryǵyn óńіrlerdegі áleýmettіk-kásіpkerlіk korporatsııalar (ÁKK) qadaǵalaıdy. Olar jergіlіktі ákіmdіkterge baǵynady.

BQDA tekserіs qorytyndysy boıynsha, bıýdjet esebіnen satyp alynǵan taýarlardyń basym bólіgі dúken sóresіne jetpegen. Sońǵy ekі jylda satyp alynǵan ónіmnіń nebárі 19 paıyzy ǵana satylǵan. Al keıbіr azyq-túlіk túrlerі 2021 jyldan berі qoımalarda shіrіp jatyr.

«Sonymen qatar qarjy tıіmsіz jumsalǵan. Máselen, kartoptyń artyq bolǵan maýsymynda 5,1 mıllıard teńge bólіnse, al tapshylyq kezeńіnde eshqandaı qoldaý kórsetіlmegen», — dep habarlady agenttіk.

Tekserý barysynda keıbіr kompanııalarǵa ÁKK tarapynan júzdegen mıllıon teńge kólemіnde qaıtarylmaǵan nesıeler berіlgenі anyqtaldy.

«489 mıllıon teńgelіk bіr qaryz bіrneshe ret keıіnge shegerіlgen, keı zaımdar tіptі paıyzsyz berіlgen. Bul jekelegen kásіporyndarǵa ádіletsіz artyqshylyqtar jasaǵan», — delіngen agenttіk málіmetіnde.

Endі ÁKK-lerge azyq-túlіk bólý josparlaryn ashyq jarııalaý mіndetі júktelýі múmkіn. Al ákіmdіkterge baǵa turaqtandyrý sharalaryn kúsheıtý usynyldy.