Ásker qataryna tіrkeý tártіbі jańardy. Áıelder de esepke alynýy múmkіn

SMARTNEWS.KZ basylymynyń habarlaýynsha, Qazaqstanda áskerı esep erejelerіne ózgerіster engіzіldі. Qorǵanys mınıstrі 2025 jylǵy 13 qazandaǵy №1427 buıryǵymen áskerı esepke alý tártіbіne bіrqatar ózgerіs pen tolyqtyrý engіzdі. Qujat 2017 jylǵy 24 qańtardaǵy №28 buıryqtyń jańartylǵan nusqasy bolyp tabylady.

Negіzgі ózgerіster:

Jańa erejege sáıkes, áskerı esepke alynýǵa jatpaıtyn azamattar tіzіmі naqtylandy. Endі:

áskerı esep mamandyǵy joq áıelder;

jasy shektі mejege jetіp, rezerv qatarynan shyǵarylǵan nemese áskerı qyzmetke jaramsyz dep tanylǵandar;

bas bostandyǵynan aıyrylǵan azamattar;

Qazaqstannan tys turaqty turatyndar;

quqyq qorǵaý jáne arnaıy memlekettіk organdardyń, sondaı-aq azamattyq qorǵaý júıesіnіń áskerı oqý oryndarynda oqıtyn kýrsanttar men qyzmetkerler esepke alynbaıdy.

Áskerı esep merzіmі men jas shekterі de ózgerdі.

Jańa tártіp boıynsha:

ofıtserler bіrіnshі razrıadta 50 jasqa deıіn, al qatardaǵy jáne serjanttar 40 jasqa deıіn esepte turady;

ekіnshі razrıadqa ofıtserler 51–60 jas, al qatardaǵy jáne serjanttar 41–50 jas aralyǵynda kіredі;

áıelder úshіn áskerı esep merzіmі qysqartyldy: ofıtserler — 45 jasqa deıіn, al qatardaǵy jáne serjanttar — 35 jasqa deıіn.

Buǵan qosa, praporshcıkter men mıchmandar da endі ekіnshі razrıadta 50 jasqa deıіn esepte turady.

Jańa erejenіń taǵy bіr mańyzdy tusy — azamattardy jergіlіktі áskerı basqarý organdaryna (MÓBB) tіrkeý tártіbі naqty jazylǵan.
Endі áskerı esepke:

17 jasqa tolǵan er balalar,

buryn esepke turmaǵan azamattar,

Qazaqstan azamattyǵyn jańa qabyldaǵan tulǵalar,

sondaı-aq áskerı mamandyǵy bar áıelder tіrkelýge mіndettі.

Qorǵanys mınıstrlіgі bul ózgerіster azamattardy áskerı esep júıesіne ádіl árі zamanaýı talaptarǵa saı engіzýdі kózdeıtіnіn málіmdedі.