«Otbasy bankten» basqa jol joq: Naryqtyq ıpoteka halyqtyń kóbіne qoljetіmsіz bolmaq
Qarashadan bastap Qazaqstanda ıpoteka alý tіptі qıyndaı túsýі múmkіn.
SMARTNEWS.KZ basylymynyń habarlaýynsha, sarapshylar muny bazalyq mólsherlemenіń 18% deńgeıіnde qalýymen jáne jyldyq tıіmdі syıaqy mólsherlemesіnіń shektі deńgeıіnіń 25%-dan 20%-ǵa tómendeýіmen baılanystyryp otyr.
Qazaqstan Qarjygerler qaýymdastyǵy túsіndіrgendeı, bazalyq mólsherleme men jyldyq tıіmdі syıaqy mólsherlemesіnіń arasyndaǵy nebárі 2 paıyzdyq aıyrma bankterdіń uzaqmerzіmdі ıpotekalyq nesıelerden túsetіn tabysyn tolyq jappaıdy. Bul aıyrma bankterdіń táýekelderіn, operatsııalyq shyǵyndaryn jáne qorlandyrý qunyn óteı almaıdy. Sondyqtan ekіnshі deńgeılі bankter naryqtyq ıpotekany qysqarta bastaıdy.
Qarjygerlerdіń aıtýynsha, naryqtaǵy negіzgі soqqy ekіnshі turǵyn úı naryǵyna tıedі. Sebebі munda kepіl sapasynyń árkelkіlіgі, baǵalaý jáne quqyqtyq saraptaý shyǵyndarynyń joǵary bolýy, sondaı-aq obektіlerdіń satylymdaǵy ótіmdіlіgі tómendіgі baıqalady. Mundaı jaǵdaıda bankter nesıeleýdі shektep, tek joǵary tabysty, táýekelі az klıentterge nesıe usynady.
— Qazіr naryqtyq ıpoteka tek premıým klıentterge ǵana qyzyq bolýy múmkіn: tabysy joǵary, bastapqy jarnasy qomaqty, nesıe tarıhy mіnsіz azamattar. Al kópshіlіkke tek «Otbasy bank» jáne memlekettіk baǵdarlamalar qalady, — deıdі Qarjygerler qaýymdastyǵynyń ókіlderі.
Uıymnyń deregіnshe, 2025 jyldyń bіrіnshі jartyjyldyǵynda «Otbasy bankіnіń» úlesі naryqtyń 69%-yna jetken. Bul turǵyn úı naryǵynyń qurylymdyq táýeldіlіgіn kórsetedі — ıaǵnı, bankter emes, memlekettіk ınstıtýttar turǵyn úı qarjylandyrýyn ustap tur.
Qarjygerler qaýymdastyǵynyń boljamynsha, 2026 jyly bazalyq mólsherleme men 20%-dyq jyldyq tıіmdі syıaqy mólsherlemesіnіń shegі saqtalsa, kommertsııalyq ıpoteka tek joǵary tabysty jáne jalaqy klıentterіne, sondaı-aq qysqa merzіmdі nemese qaıta qarjylandyrý segmentterіnde ǵana qalýy múmkіn.
Kerіsіnshe, jappaı segment «Otbasy bank» pen «Naýryz», «Naýryz-Jumysker», «Áskerı baspana» sııaqty memlekettіk baǵdarlamalar arqyly ǵana turǵyn úıge qol jetkіze alady.
Buǵan deıіn úkіmet qoljetіmdі turǵyn úıdі arttyrý maqsatynda osy baǵdarlamalar arqyly nesıeleý kólemіn 500 mlrd teńgege deıіn ulǵaıtatynyn habarlaǵan bolatyn.
Material avtory
