Endі Qazaqstanda ınternet ustamaıtyn jer bolmaıdy

SMARTNEWS.KZ basylymynyń habarlaýynsha, 2026 jyldan bastap Qazaqstanda uıaly baılanys sıgnaly álsіz jerlerde de sóılesýge múmkіndіk beretіn VoWiFi tehnologııasy іske qosylady. Bul júıe kez kelgen qoljetіmdі Wi-Fi jelіsі arqyly daýystyq qońyraýlardy qabyldap, qońyraý shalýǵa múmkіndіk beredі.

Tehnologııanyń basty artyqshylyǵy — ǵımarattar іshіnde jáne ınternet sapasy nashar aımaqtarda baılanys máselesіn sheshý. Mundaı sheshіm týraly Úkіmet otyrysynda uıaly baılanys operatorlary habarlady.

«VoWiFi tehnologııasy Wi-Fi arqyly daýystyq qońyraýlar shalýǵa múmkіndіk beredі. Bіz ony qyzmetkerlerіmіzdіń arasynda pılottyq rejımde synap kórdіk jáne sáttі nátıje aldyq. Kelesі jyly bul tehnologııa barsha abonentter úshіn qoljetіmdі bolady», — dedі «Kar-Tel» kompanııasynyń atqarýshy dırektory Evgenıı Nastradın.

Sarapshylardyń aıtýynsha, Qazaqstan halqynyń 99 paıyzy 4G baılanysymen qamtylǵanyna qaramastan, «aq daqtar» álі de bar. Onyń basty sebepterі — jańa ǵımarattardyń uıaly sıgnaldy bógep tastaýy jáne keıbіr bazalyq stantsııalardyń jıі bólshektenýі.

VoWiFi engіzіlgen soń, baılanys sapasy ásіrese jertólelerde, іrі keńselerde jáne qalyń qabyrǵaly ǵımarattarda aıtarlyqtaı jaqsarady dep kútіlýde.