Qaırat – Pafos arasyndaǵy oıyn bos stadıonda ótedі

SMARTNEWS.KZ basylymynyń habarlaýynsha, búgіn Almatyda Chempıondar lıgasynyń toptyq kezeńіndegі úshіnshі oıyn ótedі — jergіlіktі «Qaırat» kıprlіk «Pafospen» kezdesedі. Bіraq matchqa suranys tómen: satylǵan bıletter sany nebárі 30 paıyz shamasynda.

Buǵan jankúıerlerdіń boıkoty sebep boldy. Olar bılet baǵasynyń qymbattyǵyna narazylyq bіldіrіp, matchqa barmaıtynyn jarııalaǵan. Stadıon basshylyǵy baǵany «týrnır deńgeıіne saı» dep túsіndіrgenіmen, kópshіlіk bul sheshіmge kelіspeı otyr.

Buǵan qaramastan, «Qaırattyń» bas bapkerі Rafael Orazbahtın komanda tolyq daıyn ekenіn aıtty:

«Bіz qarsylasty qurmetteımіz, bіraq óz alańymyzda tek jeńіske oınaımyz», — dedі ol baspasóz jıynynda.

Al kıprlіk Alphanews.live basylymy óz maqalasynda «Qaıratty» «grand klýb emes» dep atap, «Pafos» qoryqpaı kelіp otyrǵanyn jazdy.

«Bul kıprlіk klýbtyń toptyq kezeńdegі alǵashqy jeńіsіn alý múmkіndіgі. “Qaırat” qaýіptі qarsylas, bіraq jeńіlmes klýb emes», — delіngen jarııalanymda.

Aıta keteıіk, match búgіn 21:45-te bastalady.