Jambyldaǵy mektep dırektory oqýshynyń ólіmіne qaramastan aqtalyp shyqty
Dárethanada qaza tapqan oqýshynyń іsіn prokýratýra japty.
SMARTNEWS.KZ basylymynyń habarlaýynsha, Jambyl oblysynda oqýshynyń ólіmіne baılanysty aıyp taǵylǵan mektep dırektory qyzmetіne qaıta oraldy.
Baızaq aýdandyq prokýratýrasy Qumjota aýylynyń mektebіnіń dırektory Qanatbek Baıtenge qatysty qylmystyq іstі toqtatty. Tergeý nátıjesіnde ony qylmysty jasyrýǵa qatysy bar degen aıyp dáleldenbegen.
«Bul oqıǵa bárіmіzge aýyr tıdі. Men jumystan shettetіldіm, jarty jyl tergeý júrdі. Endі, mіne, 29 qyrkúıekten bastap qaıta qyzmetke kіrіstіm», — dedі Baıten.
Qaıǵyly jaǵdaı 2024 jyldyń 30 sáýіrіnde bolǵan. Mekteptіń aǵa synyp oqýshylary kіshіlerіn daladaǵy dárethanaǵa shaqyryp, tóbeles shyǵarǵan. Sol kezde 8-synyp oqýshysy Mıras keýdesіne soqqy alyp, kóz jumǵan.
Sot úkіmіmen úsh jasóspіrіmnіń kіnásі dáleldendі: ekeýі 6 jyl 8 aıǵa bas bostandyǵynan aıyryldy, al úshіnshіsіne 1 jylǵa bas bostandyǵyn shekteý jazasy taǵaıyndaldy.
Oqıǵadan keıіn Qanatbek Baıten ýaqytsha jumystan bosatylǵan edі. Alaıda sot onyń paıdasyna sheshіm shyǵaryp, jumysqa qaıta alý jáne 9 mıllıon teńge ótemaqy tóleý týraly qaýly qabyldady.
Osylaısha, rezonansty іsten keıіn dırektor tolyqtaı aqtalyp, mektep basshylyǵyna qaıta taǵaıyndaldy.
Material avtory
