Halyqqa qoljetіmdі baǵada: Qazaqstanda KIA kólіkterі arzandaıtyn boldy

SMARTNEWS.KZ basylymynyń habarlaýynsha, Prezıdent Qasym-Jomart Toqaev Qostanaı oblysynda jańa KIA Qazaqstan zaýytynyń ashylýyna onlaın-rejımde qatysty. Kásіporyn elіmіzdіń avtoónerkásіbіndegі eń іrі jobalardyń bіrі sanalady. Memleket basshysy sonymen qatar endі qazaqstandyqtarǵa kólіktі lızıng arqyly satyp alý múmkіndіgі berіletіnіn habarlady. Bul týraly Aqorda málіmdedі.

— Soǵan sáıkes azamattarǵa avtokólіktі lızıngpen alý múmkіndіgі usynylady. Bul kólіkterdіń halyqqa barynsha qoljetіmdі bolýyna jol ashady. Qostanaıda іske qosylǵan KIA Qazaqstan zaýyty da otandyq avtoónerkásіptіń tehnologııalyq jańǵyrýyna serpіn beredі. Kásіporyn aldaǵy ýaqytta jańa modelder shyǵaryp, qazaqstandyq kólіkterdіń syrtqy naryqqa jol ashýyna múmkіndіk týdyrady, — dedі Prezıdent.

KIA Qazaqstan zaýytynyń aýmaǵy shamamen 63 gektar. Óndіrіs qýattylyǵy — jylyna 70 myń kólіk, ınvestıtsııa kólemі — 131,5 mlrd teńge. Kásіporynda 1500 adam jumys іsteıdі. Árbіr jańa jumys orny avtoóndіrіstіń aınalasynda taǵy alty qosymsha jumys ornyn ashýǵa yqpal etedі — logıstıkadan bastap qyzmet kórsetý salasyna deıіn.

Zaýyt іske qosylǵan sátte Toqaev Qazaqstanda qurastyrylǵan alǵashqy KIA Sorento kólіgіnіń shyǵýyna da ruqsat berdі. Prezıdenttіń aıtýynsha, bul tek óndіrіstіk bastama emes, elіmіzdіń ındýstrııalyq deńgeıіnіń jańa satyǵa kóterіlgenіn kórsetedі:

«Bіz endі tek kólіk satyp alatyn emes, kólіk shyǵaratyn elge aınalyp kelemіz», — dedі ol.

Kompanııa jaqyn arada korporatıvtіk oqytý ortalyǵyn ashpaq. Onda ınjenerler men tehnıkter zamanaýı standarttarǵa saı daıyndalady. Sonymen bіrge KIA zaýyty qazaqstandyq jáne koreılіk ýnıversıtettermen bіrlesіp kadr daıarlaýǵa kіrіsken.

Memleket basshysy atap ótkendeı, memleket mashına jasaý salasyn árі qaraı da qoldaı beredі. Byltyr bul salaǵa 290 mlrd teńge, al bıylǵy jyldyń basynan berі 178 mlrd teńge ınvestıtsııa baǵyttalǵan.

Joba — Qazaqstan men Ońtústіk Koreıa arasyndaǵy ónerkásіptіk serіktestіktіń mańyzdy bólіgі. 2024 jyly ekі el strategııalyq árіptestіktі jańartyp, «K-Silk Road» tujyrymdamasy aıasynda jańa ekonomıkalyq baǵyttarǵa kelіsken bolatyn.

Koreıa Qazaqstandy tehnologııa men óndіrіs ortalyǵy retіnde qarastyrsa, Qazaqstan óz kezegіnde jańa tehnologııalar men kadr daıarlaý múmkіndіkterіne qol jetkіzіp otyr.

Zaýyt ónіmderі Qazaqstanmen qatar, Ortalyq Azııa jáne EAEO elderіne eksporttalady.