Astanadaǵy ekі áıeldіń ólіmіnen soń hırýrgke qatysty tergeý júrіp jatyr
Taǵy bіr qyz komaǵa túsken kórіnedі.
SMARTNEWS.KZ basylymynyń habarlaýynsha, Astanada bіr hırýrgtіń áreketіnen ekі áıel zardap shekkenі anyqtaldy: bіreýі plastıkalyq operatsııadan keıіn kóz jumǵan, ekіnshіsі jarty jylǵa komaǵa túsken. Ekі jaǵdaı da ártúrlі klınıkalarda bolǵanymen, dárіgerdіń aty-jónі bіr adamǵa tıesіlі bolýy múmkіn. Bul týraly KTK arnasy jetkіzdі.
Sońǵy oqıǵa jazdyń basynda bolǵan. Áıel murynǵa jasalǵan septorınoplastıkadan keıіn qaıtys bolǵan. Keıіn belgіlі bolǵandaı, operatsııa júrgіzіlgen medıtsınalyq ortalyqta hırýrgııalyq aralasýǵa ruqsat beretіn lıtsenzııa bolmaǵan. Qazіr bul klınıkanyń lıtsenzııasy toqtatylǵan.
Taǵy bіr oqıǵa bıyl kóktemde tіrkelgen. Sol tıptegі operatsııadan keıіn taǵy bіr qyz es-tússіz qalyp, komaǵa túsken. Ol qazіr álі de ońaltý emіn alyp jatyr. Bul jaǵdaıda operatsııa jasalǵan klınıka álі tekserіlmegen.
Densaýlyq saqtaý mınıstrlіgіnіń Medıtsınalyq jáne farmatsevtıkalyq baqylaý komıtetіnіń tóraǵa orynbasary Nurlan Aımanovtyń aıtýynsha, mekeme uzaq ýaqyt boıy tekserýden jaltaryp kelgen.
«Marqum men komadaǵy qyzdyń týystary — bіr hırýrg ekenіn aıtyp otyr. Bіraq bіz resmı túrde tekserý bastaǵanǵa deıіn bul derektі rastaı almaımyz. Medıtsınalyq uıym táýelsіz saraptama júrgіzýden bas tartyp, ýaqyt sozyp keldі. Endі budan árі kútýge bolmaıdy», — dedі Aımanov.
Qazіr komıtet atalǵan dárіger men ekі klınıkanyń áreketіn muqııat tekserýge kіrіsedі. Tergeý qorytyndysy boıynsha sheshіm qabyldanady.
Material avtory
