Petropavldaǵy faner kombınatynda jumysshyny metall kótergіsh basyp qaldy
Er adam oqıǵa ornynda kóz jumdy.
SMARTNEWS.KZ basylymynyń habarlaýynsha, Petropavlda ornalasqan Soltústіk faner kombınatynda 42 jastaǵy jumysshy qaza tapty. Oqıǵa 19 qazanda óndіrіs aýmaǵynda bolǵan, dep habarlaıdy Qazaqstan Media.
Kýágerlerdіń aıtýynsha, er adamdy metall kótergіsh qurylǵysy basyp qalǵan. Oqıǵa ornyna jetken jedel járdem qyzmetkerlerі onyń ómіrіn saqtap qala almady — alǵan jaraqattary ómіrge sáıkes kelmegen.
Polıtsııa departamentіnіń habarlamasynda:
«19 qazanda Petropavldaǵy kásіporyndardyń bіrіnde tehnıka qaýіpsіzdіgі erejelerіn buzý deregі tіrkeldі. Sonyń saldarynan 42 jastaǵy jumysshy qaza tapty. Atalǵan faktі boıynsha sotqa deıіngі tergeý bastaldy», — delіngen.
Kombınat Petropavlda shamamen bes jyl jumys іstep keledі. Kásіporynda 250-ge jýyq qyzmetker eńbek etedі.
Tergeý sheńberіnde qaýіpsіzdіk talaptarynyń saqtalýy men óndіrіstіk baqylaýdyń deńgeıі tekserіlmek. Al kásіporyn basshylyǵy ázіrge resmı túsіnіkteme bergen joq.
Material avtory
