Mańǵystaýda ekі adam jeke medıtsınalyq kabınetterde ýkoldan keıіn kóz jumdy

SMARTNEWS.KZ basylymynyń habarlaýynsha, Mańǵystaý oblysynda sońǵy toǵyz aıda jeke medıtsınalyq kabınetterge barǵannan keıіn 41 adam anafılaktıkalyq shok alǵan. 

Ókіnіshke qaraı, ekі naýqastyń ómіrіn saqtap qalý múmkіn bolmaǵan. Bul týraly óńіrlіk medıtsınalyq jáne farmatsevtıkalyq baqylaý departamentіnіń basshysy Nursýlý Muhambetıarova málіmdedі.

Onyń aıtýynsha, kóp jaǵdaıda feldsherler men jedel járdemnіń jyldam áreket etýі qaıǵyly jaǵdaıdyń aldyn alǵan.

Alaıda Qyzyltóbe aýylynda bolǵan oqıǵa ólіmmen aıaqtaldy — jas er adam antıbıotık satyp alyp, dárіhana janyndaǵy lıtsenzııasyz kabınettіń qyzmetіn paıdalanǵan. Ýkol salǵannan keıіn onyń júregі kenetten toqtap, kelgen dárіgerler bıologııalyq ólіmdі tіrkegen.

Tekserý barysynda anyqtalǵandaı, kabınet dárіgerdіń taǵaıyndaýynsyz, aldyn ala allergııalyq synamasyzınektsııa jasaǵan. Sonymen qatar dárі-dármekter durys saqtalmaǵan, al qyzmet kórsetken mamannyń jaramdy sertıfıkaty bolmaǵan jáne ol sońǵy bes jylda bіlіktіlіgіn arttyrmaǵan. Materıaldar polıtsııaǵa joldanyp, sotqa deıіngі tergeý bastaldy.

«Halyq densaýlyǵy týraly kodekstіń 122-babyna sáıkes, protsedýralyq kabınetter tek bastapqy medıtsınalyq uıymdar quramynda ǵana jumys іsteı alady. Medıtsınalyq mekemelerden tys jeke kabınetterdіń qyzmetі — zańsyz», — dedі Muhambetıarova.

Qazіr óńіrde qoǵamdyq monıtorıngtіk toptar quryldy. Olardyń mіndetі — zańsyz jumys іstep turǵan jeke kabınetterdі anyqtaý.

Tek qyrkúıek aıynda Aqtaýda 46 jeke protsedýralyq kabınet anyqtalyp, onyń altaýy jospardan tys tekserіlgen.

— Nátıjesіnde lıtsenzııasyz jumys, dárі saqtaý erejelerіnіń buzylýy jáne merzіmі ótken preparattar anyqtalǵan.

— Ákіmshіlіk aıyppuldyń jalpy somasy 1 mln teńgeden asty.

— 12 kabınet óz erkіmen qyzmetіn toqtatyp, lıtsenzııalaryn qaıtaryp bergen.

Jaqyn kúnderі tekserýler Munaıly aýdany, Jańaózen jáne basqa eldі mekenderde de jalǵasady.

Azamattar lıtsenzııalaý men qyzmettі toqtatý máselelerі boıynsha Aqtaý qalasy, 9-yqshamaýdan, №23 ǵımarat mekenjaıyndaǵy medıtsınalyq jáne farmatsevtıkalyq baqylaý departamentіne júgіne alady.